აზერბაიჯანელი ჟურნალისტის აფგან მუხთარლის საქმეს საქართველოს პრემიერ-მინისტრი გიორგი კვირიკაშვილი ეხმაურება და მიმდინარე გამოძიებაზე კომენტარს აკეთებს. პრემიერი მომხდარში საქართველოს სახელმწიფო სტრუქტურების მონაწილეობას გამორიცხავს:

"შემიძლია გითხრათ, ჩვენი ქვეყნისთვის არის უმნიშვნელოვანესი დემოკრატიული სტანდარტების განვითარება და შენარჩუნება, რომელსაც ჩვენ დიდი შრომის შედეგად მივაღწიეთ. მე შევთავაზე აფგან მუხტარლის ოჯახს, ცოლს და შვილებს საქართველოს მოქალაქეობა და დაცვა. პიროვნება, რომელზეც საუბრობენ, არის დაკავებული, მაგრამ შემიძლია, გითხრათ, რომ საქართველოს სახელმწიფო სტრუქტურების მონაწილეობა ამ ინციდენტში არის აბსოლუტურად გამორიცხული", - განაცხადა კვირიკაშვილმა.