,,დასუსტდა და წასასვლელად ემზადება ივანიშვილი, თუ სიტუაციას კვლავ აკონტროლებს“

,,დასუსტდა და წასასვლელად ემზადება ივანიშვილი, თუ სიტუაციას კვლავ აკონტროლებს“ - რისთვის ემზდება კალაძე?

სოც.მედია - 16:45, 05 Jun, 2017

21551

ენერგეტიკის მინისტრის და პირველი ვიცე-პრემიერის პოლიტიკურ და ფინანურ გავლენებზე წერს სოციალურ ქსელში რუსთავი 2-ის გენერალური დირექტორი. ნიკა გვარამიას თქმით, კალაძე მსხვილ ინვესტიცია დებს ერთ-ერთ მცირე ტელევიზიაში.

,,ამასობაში, კახი კალაძის ფიგურამ საინტერესო კონტურების შეძენა დაიწყო:

1. ძალიან ბევრი ფული მოიხვეჭა განვლილი 5 წლის მანძილზე,

2. საკუთარი მრავალრიცხოვანი საპარლამენტო დაჯგუფება შექმნა,

3. თბილისის მერობა დაიჟინა (დიახ, დაიჟინა), და მისი კანდიდატურის მიუღებლობის გადაძლევას საკუთარი საპარლამენტო დაჯგუფების ულტიმატუმნარევი ქმედებებით ცდილობს,

4. ერთერთ მცირე ტვში შედის მსხვილი ინვესტიციით, ანუ საკუთარ მედიაპლატფორმას იქმნის.

დასკვნა: ან ბიძინა ივანიშვილი მის ამ თამაშებს ნაჯახის დარტყმით აღკვეთავს, ან სიტუაციას ხელიდან გაუშვებს და ქვეყნის ყველაზე მაღალი ვოტუმის არჩევით ფიგურას მიიღებს საკუთარი ფულით, პოლიტიკური დასაყრდენით და მედიით.

ვნახოთ, დასუსტდა და წასასვლელად ემზადება ივანიშვილი, თუ სიტუაციას კვლავ აკონტროლებს“ - წერს გვარამია.