დღეს გავრცელებული ინფრომაციის ტანახმად, ქართული ოცნების მერობის კანდიდატი ვიცე-პრემიერი კახა კალაძე იქნება, აღნიშნულს არც ადასრტურებს და არც უარყოფს პარლამენტის თავმჯდომარე ირაკლი კობახიძე. კობახიძის თქმით, აღნიშნულ თემაზე საუბარი გუშინ გამართულ უმრავლესობის სხდომაზე იყო:

„პოლიტსაბჭო იღებს გადაწყვეტილებას კანდიდატების დასახელებასთან დაკავშირებით. მას შემდეგ, რაც შედგება პარტია ქართული ოცნების პოლიტიკური საბჭოს შეხვედრა, შესაბამისი სხდომა და მიიღება გადაწყვეტილება, ჩვენ შეგვეძლება, ვისაუბროთ უკვე კანდიდატის დადგენასთან დაკავშირებით. მე შემიძლია, დავადასტურო, რომ გუშინ იყო ამ საკითხთან დაკავშირებით საუბარი და შესაბამისად, ჩვენ ერთადერთი უნდა დაველოდოთ პოლიტსაბჭოს სხდომას, სადაც მიიღება გადაწყვეტილება კანდიდატის წარდგენასთან დაკავშირებით. ეს მოხდება უახლოეს მომავალში და დაველოდოთ,“ - განაცხადა კობახიძემ.