ამერიკის სახელმწიფო დეპარტამენტი აფგან მუხტარლის საქმესთან დაკავშირებით განცხადებას ავრცელებს.

განცხადებაში ნათქვამია, რომ შეერთებული შტატები შეწუხებულია აფგან მუხტარლის თბილისში გატაცებით და მისი შემდგომი აზერბაიჯანში დაპატიმრებით. შეერთებული შტატები ყურადღებით ადევნებს თვალს საქართველოში მიმდინარე გამოძიებას და მოუწოდებს საქართველოს ხელისუფლებას, რომ აღნიშნული პროცესი იყოს სრულფასოვანი, გამჭვირვალე და დროული.

სახელმწიფო დეპარტემანეტი ასევე შეშფოთებას გამოთქვამს აზერბაიჯანში სახალხო ფრონტის თავმჯდომარის მოადგილის, გიზალ ბაურამლის დაპატიმრების გამოც და მოუწოდებს ოფიციალურ ბაქოს შეასრულოს საკუთარი საერთაშორისო ვალდებულებები და გაათავისუფლოს ყველა პირი, რომელიც თავისუფალი აზრის გამოხატვის გამოა დაკავებული.

“მოვუწოდებთ აზერბაიჯანის ხელისუფლებას, გაათავისუფლოს ყველა პატიმარი საერთაშორისო ვალდებულებების თანახმად. ჩვენ ყურადღებით ვაკვირდებით საქართველოში მიმდინარე გამოძიების მსვლელობას ჟურნალისტის გატაცების ფაქტზე და მოვუწოდებთ, რომ ის სრულად, გამჭვირვალედ და დროულად წარიმართოს,“ - ნათქვამია სახელმწიფო დეპარტამენტის განცხადებაში.