კახა კალაძის მერობის კანდიდატობასთან დაკავშრებით პარლამენტის რეგიონული პოლიტიკისა და თვითმმართველობის კომიტეტის თავმჯდომარე გრიგოლ ლილუაშვილი აცხადებს, რომ კალაძეს სურვილი აქვს იყოს დედაქალაქის მერი. ლილუაშვილის თქმით, თემაზე პარტია უნდა შეჯერდეს:

„ეს გუნდში შესათანხმებელი საკითხია. როგორც ვიცი, კახი კალაძეს თავადაც აქვს სურვილი, იყოს მერობის კანდიდატი და პირიქით, ამას მივესალმებით, რადგან ვთვლით, რომ კახი ჩვენი პოლიტიკური გუნდის გამორჩეული ლიდერია და ის თავისი გამოცდილებით, წესიერებითა და იმიჯით შეძლებს, თავისუფლად გაუძღვეს მეტად დიდ, საპასუხისმგებლო თემას, რასაც თბილისის მერობა ჰქვია“, - განაცხადა ლილუაშვილმა.