"მოგიწოდებთ მაღალი სტანდარტებისკენ წავიდეთ და ნუ დავიყოფით პოლიტიკური ჯგუფების მიხედვით"- ბოკუჩავა ხელისუფლებას

პოლიტიკა - 18:14, 01 Jun, 2017

2280

ერთიანი ნაციონალური მოძრაობის წარმომადგენლი თინა ბოკუჩავა მთავრობას აკრიტიკებს და აღნიშნავს, ოპოზიციაში ყოფნის დროს დღევანდელი ხელისუფლების წარმომადგენლები ხშირად აპელირებდით, რომ გსურდათ საქართველოს კანონმდებლობაში ჰუმანიზაციის შემოტანა და ახლა მოგიწოდებთ ნუ შეიცვლით მოსაზრებებს იმის მიხედვით, ოპოზიციას წარმოადგენთ თუ ხელისუფლებას.

‘’წინასწარი პატიმრობის გამოყენების შეზღუდვასთან დაკავშირებით საერთაშორისო პრაქტიკა ლიბერალიზაციისკენ მიდის და ასეთი შეზღუდვა სწორედ ნაკლებად მძიმე ეკონომიკური სახის დანაშაულს ეხება.

ოპოზიციაში ყოფნის დროს დღევანდელი ხელისუფლების წარმომადგენლები ხშირად აპელირებდით, რომ გსურდათ საქართველოს კანონმდებლობაში ჰუმანიზაციის შემოტანა და ახლა მოგიწოდებთ ნუ შეიცვლით მოსაზრებებს იმის მიხედვით, ოპოზიციას წარმოადგენთ თუ ხელისუფლებას. მოქალაქეების ბედი თქვენი სკამებიდან გამომდინარე არ უნდა წყდებოდეს.

წარსულზე აპელირების ნაცვლად, შევაფასოთ დღევანდელი სიტუაცია, სტატისტიკა და საერთაშორისო პრაქტიკა.

საერთაშორისო პრაქტიკა:
1.გამორიცხავს წინასწარ პატიმრობას იმ შემთხვევაში, თუ საბოლოო სასჯელი პატიმრობას არ ითვალისწინებს
2.დაუშვებელია წინაწარი პატიმრობის ვადა საპატიმრო ვადას აღემატებოდეს
3.კრძალავს წინასწარ პატიმრობას, მაშინ როდესაც სასჯელის ვადა სამ წელს არ აღემატება
4. საპატიმრო სასჯელი უნდა იყოს მინიმუმ ხუთი წელი, რომ სასამართლომ წინასწარი პატიმრობა შეუფარდოს

მოგიწოდებთ მაღალი სტანდარტებისკენ წავიდეთ და ნუ დავიყოფით პოლიტიკური ჯგუფების მიხედვით, რათა ჰუმანიზაცია მოვახდინოთ‘’ - განაცხადა თინა ბოკუჩავამ.