აზერბაიჯანელი ჟურნალისტის საქმე - საპარლამენტო ოპოზიცია შინაგან საქმეთა მინისტრისა და სახელმწიფო უსაფრთხოების სამსახურის ხელმძღვანელის გადადგომას მოითხოვს. აღნიშნულს საპარლამენტო უმრავლესობის რიგებში ეხმაურებიან. ეკა ბესელიას თქმით, ოპოზიციის მოთხოვნა მხოლოდ სურვილია და მას არ აქვს სამართლებრივი საფუძველი.

„ჯერ გამოძიების პირველად მონაცემებს ველოდებით, რომ სწრაფად გავიგოთ გამოძიების ინფორმაციით, რა მოხდა და ვისი პასუხისმგებლობის საკითხი შეიძლება დადგეს. მაგრამ, პირველივე განცხადება ნაციონალური მოძრაობის, რომ გადადგეს რომელიმე მინისტრი ან უსაფრთხოების სამსახურის უფროსი, ეს მათი სურვილია და ეს არ არის სამართლებრივი და პოლიტიკური თვალსაზრისით სწორი ფორმულირება,“ - განაცხადა ეკა ბესელიამ.