გორის მუნიციპალიტეტის სოფელ ქვახვრელში, ადგილობრივ მკვიდრ ხვიჩა სადაღაშვილს, მტაცებელმა ცხოველებმა მსხვილფეხა პირუტყვი შეუჭამეს.

,,ნიუპოსტის“ კორესპონდენტის ცნობით, შემთხვევა ფერმაში მოხდა, სადაც სადაღაშვილი რამდენიმე მწყემსთან ერთად, თანასოფლელებისგან მიბარებულ საქონელს ინახავს.

დაზარალებული მწყემსი ამბობს, რომ მგლები სოფელს ხშირად სტუმრობენ და მის მსგავსად დაზარალებული არაერთი ადგილობრივი მცხოვრებია.

ქვახვრელში შესაბამის უწყებებს მგლის მოკვლის ნებართვას სთხოვენ.