საქართველოს პატრიარქის პირადი დაცვის უფროსი გუშინ თანამდებობიდან გაათავისუფლეს. აღნიშნულის შესახებ ექსკლუზიური ინფორმაცია ტელეკომპანია რუსთავი 2-მა გაავრცელა, ჯერჯერობით უცნობია რა გახდა ზურაბ ბუჩუკურის დათხოვნის მიზეზი, თუმცა, ვრცელდება ინფორმაცია იმის შესახებ,რ ომ ბუჩუკური მეუფე პეტრე ცაავას სულიერი შვილი გახლავთ და შესაძლოა,მისი გათავისუფლების ერთ-ერთი მიზეზი სწორედ აღნიშნული ფაქტი გამხდარიყო.

საპარლამენტო უმრავლესობა გავრცელებულ ინფორმაციას იმის შესახებ, რომ ზურაბ ბუჩუკური თანამდებობიდან მეუფე პეტრესთან ახლო ურთიერთობის გამო გაათავისუფლეს, არ ეთანხმება.

„დაცვის უფროსი და ნებისმიერი თანამდებობის პირი შეიძლება დაინიშნოს, გათავისუფლდეს. ამ თემას ვერ გამოვეკიდები, არც თქვენ გირჩევთ იმიტომ, რომ ეს არის შიდა საკითხი,“-განაცხადა გია ვოლსკიმ.