საქართველოს საპატრიარქოს იურისტის ედიშერ ქარცავას მიერ, გუშინ გადაცემა „არჩევანში“ გაკეთებულ განცხადებებს ეხმაურება დედა სიდონია და საპატრიარქოსგან განმარტებას ელოდება. დედა სიდონიას აინტერესებს ემთხვევა თუ არა საპატრიარქოს პოზიცია ქარჩავას მიერ გაჟღერებულ პოზიციებს:

„სანამ საპატრიარქო არ უარყოფს ქარჩავას განცხადებებს, მაშინ ის საპატრიარქოს პოზიციად უნდა ჩაითვალოს და საპატრიარქო ვალდებულია დაასაბუთოს გაკეთებული განცხადებების დასაბუთებულობა და წარმოადგინოს მტკიცებულებები. სხვა შემთხვევაში საპატრიარქოს სახელით ცილისმწამებლური განცხადებების გაკეთება სერიოზული პრობლემაა.

მეც მაქვს კითხვები რამდენად არის პატრიარქი საქმის კურსში, ვისთან ათანხმებს ბატონი ედიშერი მის მიერ გაჟღერებულ საკითხებს. თუ არავისთან არ თანხმდება რატომ აქვს მას ასეთი ცხოველი ინტერესი ამ საკითხებით დაინტერესების, ბევრი კითხვა ჩნდება მისი ცნობისმოყვარეობის ირგვლივ,“-განაცხადა დედა სიდონიამ.

შეგახსენებთ, რომ გუშინ ედიშერ ქარჩავამ მეუფე პეტრე ცაავას მიმართა და განაცხადა, რომ მისი სამიზნე კათალიკოს პატრიარქია და რამდენიმე დღის წინ თავისივე განცხადების განმარტება გააკეთა. ქარჩავამ აღნიშნა, რომ „მკვლელობაშ“ იგი „სულიერ მოკვდინებას“ გულისხმობდა. მისივე თქმით, იგი გუშინ მთავარ პროკურატურაში გამოკითხვაზე იმყოფებოდა.