საპატრიარქოს ადვოკატი ედიშერ ქარჩავა ჭყონდიდის მიტროპოლიტის მეუფე პეტრე ცაავას წინააღმდეგ გაკეთებულ განცხადებებზე საუბრობს. ქარჩავამ რამდენიმე დღის წინ აღნიშნა, რომ მეუფე პეტრეს გეგმაა პატრიარქის „მოკვდინება“, ტელეკომპანია რუსთავი 2-ის გადაცემა „არჩევანში“ კი აღნიშნა, რომ იგი სიტყვა „მოკვდინებაში“ სულიერ მკვლელობას გულისხმობდა.

ქარცავამ ასევე აღნიშნა, რომ იგი დღეს მთავარ პროკურატურაში გამოკითხვაზე იმყოფებოდა:

„მე შემიძლია დავადასტურო, რომ მეუფე პეტრე, მიუხედავად წმინდა სინოდის გაფრთხილებისა, რომ თავი შეეკავებინა განცხადებებისგან, ეკლესიის ფარგლებს გარეთ გასვლისაგან, მიუხედავად ამისა, დღესაც მეუფე პეტრე განაგრძობს იმ მოქმედებას, რაც მიმართულია პატრიარქისა და საკათალიკოსო ტახტის დაქვირვების წინააღმდეგ, მოკვდინება არის პიროვნების სულიერი განადგურება და ბრალდებების ტირაჟირება, ეს არის ყველაზე უმძიმესი ბრალდება, თუ ვაჟკაცობა ყოფნის, თუ ამბობს, რომ სჯობს სიმართლისთვის დავისაჯო, გასულია სივრციდან ეკლესიის, მაშინ ტქვას სულიერ მამას რატომ უპირისპირდება, აქ არის სულიერ მკვლელობაზე საუბარი. მან თამაშგარეთ დამაყენა, ბინძური თამაშების გამო მაიძულა როგორც ადვოკატს მესაუბრა. იძულებული გამხადა და ამიტომ ჩემს თავზე ავიღე ის, რომ მე ამ შემთხვევაში თავს ვიცავ და ეს ბრალდებები წამოვაყენე როგორც რიგითმა ფიზიკურმა პირმა" - განაცხადა ქარჩავამ თუმცა მან კონრეტულ ბრალდებასთან დაკავშირებით, რომელიც ,,პატრიარქის მოკვდინებას" ეხებოდა, კონკრეტული მტკიცებულებები ვერ მოიყვანა.

,,ღმერთმა დამიფაროს, რომ საჯაროდ მიზეზებზე ვისაუბრო. მე დღეს ვიმყოფებოდი დაკითხვაზე მთავარ პროკურატურაში. მე მთავარ პროკურატურას მივეცი სრული განმარტება თუ რას ვგულისხმობ, და მტკიცებულებები. ეს ჩემი ბრალდებები არ არის პირადპირ კავშირში „ციანიდის საქმესთან“, ეს არის ახალი თემა. მკვლელობას ორი სახე აქვს, ეკლესიაში განიმარტება - მომაკვდინებელი ცოდვები, რომელიც ფიზიკურ მკვლელობაზე უარესია. პროკურატურამ თვითონ დამიბარა და მართალიც არის პროკურატურა“, - აღნიშნავს ქარჩავა.