,,ჩვენ ვთანამშროლობთ რამდენიმე პოლიტიკურ სუბიექტთან“ - ნაციონალური მოძრაობა 2 კვირაში მერობის კანდიდატს დაასახელებს

პოლიტიკა - 18:46, 30 May, 2017

1321

ადგილობრივი თვითმმართველობის არჩევნებთან დაკავშრებულ გეგმებსა და შესაძლო პოლიტიკურ კოალიციაზე საუბრობენ „ერთიანი ნაციონალური მოძრაობის“ რიგებში. როგორც ზაზა ბიბილაშვილმა რუსთავი 2-თან განცხადა, საზოგადოება 2 კვირაში შეიტყობს თუ ვინ იქნება პარტიის მერობის კანდიდატი. მისივე თქმით, ენმ-ს მიზანია არსებული ხელისუფლების დამარცხება:

„ჩვენ უკვე გვყავს შერჩეული დაახლოებით 800 კანდიდატამდე, მთლიანობაში 1000-ზე მეტი კანდიდატი უნდა იქნეს წარმოდგენილი საქართველოს მასშტაბით საკრებულოებში, ბუნებრივია ჩვენი ამოცანა არის, რომ ივანიშვილის რეჟიმს მივაყენოთ ძალიან მტკივნეული და გადამწყვეტი დარტყმა, გადავტეხოთ ის წელში ამ არჩევნებზე და არა მხოლოდ ადგილობრივი თემებით. მერობის კანდიდატი საზოგადოებისთვის ცნობილი გახდება უახლოეს ორ კვირაში. ჩვენ ძალიან აქტიურად ვთანამშრომლობთ რამდენიმე პოლიტიკურ სუბიექტთან, მათ შორის პირველ რიგში იყო რუსთავი 2-ის დაცვის საკითხი, თემატურად გრძელდება ეს თანამშრომლობა კონსტიტუციის დაცვის საკითხზე, ჩვენ გავაგრძელებთ ამ თანამშრომლობას, თუმცა, კონკრეტულად რა ფორმატს მიიღებს ეს თანამშრომლობა გამოჩნდება უახლოეს დღეებში“, - აცხადებს ზაზა ბიბილაშვილი.