სასამართლო სისტემაში არსებულ პრობლემებზე საუბრობს „ევროპული საქართველოს“ წევრი გიორგი ტუღუში. გიორგი ტუღუში სამოქალაქო სექტორის მიერ გამოთქმულ კრიტიკას გამოეხმაურა. მისი თქმით, დღეს სასამართლო სისტემა ღრმა კრიზისშია შესული.

„გამოსავალი ამ სიტუაციიდან რა თქმა უნდა, არის რთულად მოსაძებნი, მაგრამ, დღესაც კიდევ ერთხელ გაისმა, რომ რეფორმები ამ სფეროში ჩაფლავდა და რეალური შედეგი ვერ გამოიღო. ანუ ჩვენ რეალურად ვიღებთ იმას, რომ დონორები ხარჯავენ ძალიან ბევრ თანხებს, ვიღებთ ახალ კანონებს და შედეგად ვითარება სასამართლო ხელისუფლებაში არა თუ უმჯობესდება, არამედ ღრმა კრიზისში ვართ შესული და ამას ცხადყოფს ბოლო პერიოდში განვითარებული მოვლენები, ოდიოზური დანიშვნები,“ - განაცხადა გიორგი ტუღუშმა.

სასამართლო სისტემაში არსებული ვითარების გამო დღეს ახალგაზრდა იურისტებმა და საერთაშორისო გამჭვირვალობამ საბჭოს მონიტორინგის შედეგების პრეზენტაცია ერთობლივი გადაწყვეტილებით ჩაშალეს.