ევროსასამართლოს მოსამართლეობის კანდიდატების შერჩევის პროცესი პოლიტიკური დაპირისპირების მიზეზი ხდება

პოლიტიკა - 10:43, 30 May, 2017

2038

სპეციალური სამთავრობო კომისიის მიერ, ევროსასამართლოში წარსადგენი კანდიდატების შერჩევის პროცესი კიდევ ერთხელ გხდა პოლიტიკური ბრალდებების მიზეზი.
"ქართული ოცნების" წევრები 5 კანდიდატით კმაყოფილები არიან.
მამუკა მდინარაძე აცხადებს, რომ პროცესმა ღია და გამჭვირვალე გარემოში ჩაიარა.

„არიან შერჩეულნი ღირსეული კანდიდატები და მე ვფიქრობ, რომ მათი წარდგენით ჩვენ ვუზრუნველყოფთ, რომ გვეყოლება ევროსასამართლოში ღირსეული კანდიდატი, რომელიც თავის საქმიანობით საქართველოს წარმოაჩენს ისე, როგორც ჩვენს ქვეყანას ეკადრება,“-განაცხადა მამუკა მდინარაძემ.

ნაციონალურ მოძრაობაში ევროსასამართლოს მოსამართლეობის კანდიდატებზე საუბრისას პოლიტიკურ გადაწყვეტილებაზე ამახვილებენ ყურადღებას.

„კომისიამ არ იხელმძღვანელა იმ მთავარი პრინციპით, რომელიც შერჩევის პროცესში უნდა ყოფილიყო გამოყენებული, რაც არის ამ ადამიანების კომპეტენტურობა და როგორც ჩანს, კვლავ პოლიტიკური მოსაზრებებით მიიღო გადაწყვეტილება,“ - აცხადებს ენმ-ის წევრი სალომე სამადაშვილი.

ევროსასამართლოში ქართული მხარის მიერ წარდგენილი კანდიდატების კიდევ ერთხელ ჩავარდნას არ გამორიცხავს ევროპული საქართველოს. პარტიაში ამბობენ, რომ სპეციალურმა სამთავრობო კომისიამ ბიძინა ივანიშვილისთვის მოსაწონი კანდიდატები შეარჩია.