"სახელმწიფო არჩევს მორჩილების პრინციპით მოსამართლეებს" - ოპოზიცია იუსტიციის საბჭოს ხელისუფლების დაკვეთის შესრულებაში ადანაშაულებს

პოლიტიკა - 10:00, 30 May, 2017

1395

სააპელაციო სასამართლოს თავმჯდომარედ მიხეილ ჩინჩალაძის დანიშვნას პოლიტიკური შეფასებები მოჰყვა.
"ევროპულ საქართველოს" წევრი გიორგი ტუღუში აღნიშნავს, რომ ჩინჩალაძის დანიშვნა ოიზიტიურ ცვლილებებს არ გამოიწვევს.

„მე ვფიქრობ, რომ ეს არანაირ პოზიტიურ ცვლილებას არ მოიტანს გარდა იმისა, რომ სააპელაციო სასამართლო, როგორც სხვა ყველა ინსტანცია, გააგრძელებს იმ დაკვეთების შესრულებას, რომელიც მათ ექნებათ ხელისუფლების მხრიდან,“ - აცხადებს უღუში.

ხელისუფლების ჩარევაზე საუბრობენ ნაციონალურ მოძრაობაშიც. მათი თქმით, ხელისუფლება საბჭოს მეშვეობით, მათ მიმართ ლოალურად განწყობილ მოსამართლეებს მაღალ თანამდებობებზე ნიშნავს.

„სახელმწიფო არჩევს მორჩილების პრინციპით მოსამართლეებს. რეალურად ცერცვაძე წავიდა იმიტომ, რომ ჩინჩალაძისთვის დაეთმო გზა. ეს არის პირდაპირი ინდიკატორი იმისა, რომ მართლმსაჯულების სისტემა და მთლიანად სასამართლო სისტემა ქვეყანაში არ არსებობს და ეს არის ინდიკატორი იმისა, რომ პირდაპირ ერთ ადამიანთან და ხელისუფლებასთან არის დაქვემდებარებული სასამართლო სისტემა,“ - აცხადებს ხატია დეკანოიძე.

მმართველ გუნდში კი ირწმუბიან, რომ ქართულმა ოცნებამ სასამართლო სისტემა წნეხისგან გათავისუფლდა.

ვიცე სპიკერის გია ვოლსკის განცხადებით, სასამართლო სისტემაში ვითარება „ნელ-ნელა ლაგდება“.

„ამ ხელისუფლებამ შეძლო ის, რომ სასამართლო რეალურად გაათავისუფლა წნეხის და პრესისაგან. ამდენი ხანი ნაციონალური მოძრაობის კადრები მოსდევდა ამ სასამართლოს. ყოველგვარი რევოლუციური ქარტეხილების გარეშე, სასამართლო სისტემა ნელ-ნელა ლაგდება. შევხედავთ როგორ იმუშავებს, რა გადაწყვეტილებებს მიიღებს და ამის შემდეგ უნდა იმსჯელოს კომპეტენტურმა სტრუქტურამ,“ - განაცხადა გია ვოლსკიმ.