"პატრიარქი ისევ დეზინფორმირებულია, შორენას დაჯგუფება ყველაფერზეა წამსვლელი"

"პატრიარქი ისევ დეზინფორმირებულია, შორენას დაჯგუფება ყველაფერზეა წამსვლელი" - მეუფე პეტრე ბრალდებებს პასუხობს

პოლიტიკა - 15:04, 29 May, 2017

14135

მიტროპოლიტი პეტრე ცაავა საპატრიარქოს იურისტის, ედიშერ ქარჩავას, ბრალდებას გამოეხმაურა, რომლის მიხედვითაც სასულიერო პირს პატრიარქის მოშორება სურს.

ჭყონდიდის მიტროპოლიტი ამბობს, რომ "ცილისმწამებლური კამპანიის უკან საპატრიარქოში არსებული ჯგუფები დგანან".

"პატრიარქი ისევ დეზინფორმირებულია, ღმერთმა დაიფაროს საქართველოს ეკლესია და თუ საქმის კურსშია პატრიარქი, მაშინ ძალიან მძიმე დღეში ყოფილა ჩვენი ეკლესია და რა თქმა უნდა, - "არ არის დამალული რომელიც არ გაცხადდეს" და ალბათ ესეც გაირკვევა.

დღემდე ჩემი დამოკიდებულება იმ ადამიანების მიმართ, რომლებმაც ოპერაციის წინ, 84 წლის პატრიარქს უთხრეს თითქოს მღვდელი მოდიოდა შენს მოსაწამლად და შენი დაცვის უფროსი, შენი სიძე ასევე იყო ამ საქმეში ჩართულიო. აი ეს დაჯგუფება, რომლის მეთაური ეს ქალბატონია რა თქმა უნდა, ყველაფერზე წამსვლელები არიან. ეს ფაქტობრივად ამ სცენარის გაგრძელებაა.

სანამ პატრიარქი ამ ადამიანების გარემოცვაშია, მანამ ჩვნ არ ვართ დაცული მსგავსი ინტრიგებისა, პროვოკაციებისა და მსგავსი ცილისწამებისგან, რაც ემსახურება ეკლესიისა და პატრიარქის დისკრედიტაციას,“- განაცხადა მეუფე პეტრე ცაავამ.

მეუფე პეტრე საეკლესიო სასამართლოს მოწვევას ითხოვს.

„კიდევ ერთხელ ვრწმუნდები საეკლესიო სამართლის, საეკლესიო სასამართლოს და დიდი საეკლესიო კრების მომზადების გარდაუვალობასა და აუცილებლობაში. საქართველოში არსებული სახელმწიფოებრივად, ეროვნულად მოაზროვნე ძალები და ადამიანები დადგებიან ფეხზე, რომ ჩვენი წილი დიდგორი აუცილებლად მოვიგოთ,“- განაცხადა მეუფე პეტრემ.