„არ ვთვლი, რომ NATO-ს ასამბლეის დეკლარაციამ რუსეთთან მორიგი გართულება გამოიწვიოს“ - ნიკოლოზ ვაშაკიძე

პოლიტიკა - 13:55, 29 May, 2017     1044

ასამბლეა მოუწოდებს რუსეთის ფედერაციას პატივი სცეს საქართველოს დამოუკიდებლობას, სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში, უკან გაიწვიოს საქართველოს ოკუპირებული რეგიონების, როგორც დამოუკიდებელი ქვეყნების აღიარება და ამ ტერიტორიებიდან გაიყვანოს საკუთარი შეიარაღებული ძალები - ამის შესახებ ნათქვამია ნატო-ს საპარლამენტო ასამბლეის მიერ დღეს მიღებულ საქართველოს მხარდამჭერ დეკლარაციაში.

საპარლამენტო ასამბლეა ასევე მიესალმება საქართველოს კონსტრუქციულ პოლიტიკას, რომელიც მიმართულია რუსეთთან დაძაბულობის დეესკალაციისკენ, ტერიტორიული მთლიანობის აღდგენის მიზნით ძალის გამოუყენებლობის შესახებ გადადგმული ცალმხრივი ნაბიჯების ჩათვლით, ასევე მის კონსტრუქციულ მონაწილეობას ჟენევის საერთაშორისო დისკუსიებში და თბილისის ძალისხმევას ხელი შეუწყოს საქართველოს რეგიონების - აფხაზეთისა და ცხინვალის რეგიონის მოსახლეობის ჩართულობით.

აღნიშნული საკითხის შესაფასებლად „ნიუპოსტი“ ექსპერტ ნიკოლოზ ვაშაკიძეს დაუკავშირდა. ვაშაკიძე ჩვენთან საუბრისას აცხადებს, რომ დეკლარაციის ტექსტი და მისი შინაარსი დადებითი ფაქტია, თუმცა, როდესაც პოლიტიკურ გადაწყვეტილებაზე მიდგება ჯერი, საქმე გაცილებით რთულადაა. რაც შეეხება დეკლარაციის შინაარსიდან გამომდინარე რუსეთ-საქართველოს ურთიერთობას, ვაშაკიძე არ თვლის, რომ აღნიშნულმა რეკომენდაციებმა შესაძლოა ორ ქვეყანას შორის სიტუაციის დაძაბულობა გამოიწვიოს:

„ეს დადებითი ფაქტია, ნატო-ს საპარლამენტო ასამბლეა ყოველთვის მხარდამჭერ განცხადებებს აკეთებს და მოუწოდებს ჩრდილოატლანტიკური ალიანსის გადაწყვეტილებების მიმღებ სტრუქტურებს, რომ საქართველოს საკითხი დააჩქაროს, მაგრამ როდესაც პოლიტიკურ დონეზე რეალური გადაწყვეტილება არის მისაღები, საქმე უფრო რთულად არის. რა თქმა უნდა, სასიამოვნო და დადებითი მოვლენაა, მაგრამ დიდი მოლოდინები იმასთან დაკავშირებით არ უნდა გვქონდეს, რომ ეს დიდ ზეგავლენას მოახდენს ნატოს წევრების გადაწყვეტილებაზე საქართველოსთან მიმართებით, მითუმეტეს რუსეთზე, იმ მოწოდების ნაწილში, რაც მისი მიმართებით გააკეთეს.

ეს პირველი შემთხვევა არ არის და არ ვფიქრობ, რომ ამ დეკლარაციამ შესაძლოა რუსეთთან რაიმე მორიგი გართულება გამოიწვიოს“, - აღნიშნავს ნიკოლოზ ვაშაკიძე.

მასალის გამოყენების პირობები

ამომრჩეველზე ზეწოლა კახეთში - "თუ ისინი არ შემოხაზავენ 41-ს, ანა ექიმის იმედი არ ჰქონდეთ"

მიხეილ სააკაშვილის ოფისი და უკრაინის შსს შიდა სტრუქტურების რეფორმირებას იწყებს

მაჟორიტარობის კანდიდატს ძმებმა თალაკვაძეებმა კანდიდატურის მოხსნა აიძულეს - "საქართველოსთვის"

სექტემბრიდან პირადობის მოწმობები ერთი თვის განმავლობაში უფასოდ გაიცემა

"ბიოფსიის შედეგად დადგინდა ჰოჯკინის ავთვისებიაი სიმისვნე, კისერზე გულმკერდზე, ლავიწებზე, 20 ივლისიდან დაიწყეს ქიმიებით მკურნალობს" - 11 წლის ბავშვს საზოგადოების დახმარება სჭირდება

პენიტენციური სამსახური: კორონავირუსი 105 პატიმარს აქვს, უმეტესობა ახლადდაკავებულია

ციხის კარი უნდა გავაღოთ - COVID 19-ის გამო ნაციონალური მოძრაობა ფართო ამნისტიის ინიციატივით გამოდის

სუს უარყოფს, რომ ვაგნერის წევრი ახლა საქართველოშია

ეროვნულმა ბანკმა ლარის ახალი კურსი დაადგინა

გაბუნია: სკოლებში სწავლას ვერ დავიწყებთ, სანამ ეპიდსიტუაცია საკმარისად არ დასტაბილურდება

თბილისში კორონავირუსით 6 წლის ბავშვი გარდაიცვალა

“გუშინ დილით გარდაიცვალა ჩემი უკეთილესი…ნუ ცდილობთ რამე შეტენოთ ჩემს საამაყო და არაჩვეულებრივ ძამიკოს!” – გარდაცვლილი ფიტნეს-ინსტრუქტორის და საზოგადოებას მიმართავს

თუ მუნიციპალურ ტრანსპორტს არ გახსნით, დავიწყებთ აქციებს - შალვა ნათელაშვილი

"თუ აცრის პროცესი შენელდება, ამაში პირადად მე ბატონი კანდელაკის დიდ წვლილსაც დავინახავ...“ - კვესიტაძე

მთავარი სიახლე

ბიზნესი

დღის ამბები

პოპულარული