სამთავრობო კომისიის წევრებმა გუშინ ევროსასამართლოს მსოსამართლეობის 9 კანდიდატს მოუსმინეს. გასაუბრების პროცესი 12 საათის განმავლობაშ მიმდინარეობდა. კანდიდატებს შორის იყო საკონსტიტუციო სასამართლოს ყოფილი მოსამართლე, კონსტანტინე ვარძელაშვილიც. გასაუბრებიდან გამოსული კანდიდატის თქმით, კრიტიკული კითხვების ნაწილი უკავშირდებოდა რუსთავი 2-ის საკითხს.

აღნიშნულს ეხმაურება საქართველოს იუსტიციის მინისტრი თეა წულუკიანი და აცხადებს,რომ სიცრუეა გავრცელებული ინფორმაცია იმის შესახებ, რომ მას ვარძელაშვილს კითხვა ტელეკომპანია რუსთავი 2-ის შესახებ დაუსვა:

"რუსთავი 2-ზე არ დასმულა ჩემი მხრიდან შეკითხვა არცერთი კანდიდატის მისამართით. ჩემი კითხვა ბატონი ლადო ვარძელაშვილისადმი იყო შედეგი, როდესაც ის ბრძანდებოდა საკონსტიტუციო სასამართლოს თავმჯდომარის მოადგილე, მე დავინტერესდი, როგორ ანაწილებდა პრიორიტეტებს საკონსტიტუციო სასამართლო ან რის მიხედვით იხილავდა ზოგიერთ დავას 3 დღეში, 5 დღეში, ერთ კვირაში და ზოგიერთი რიგითი მოქალაქის დავას წლობით,“- განაცხადა თეა წულუკიანმა.