სამთავრობო კომისიის წევრებმა გუშინ ევროსასამართლოს მსოსამართლეობის 9 კანდიდატს მოუსმინეს. გასაუბრების პროცესი 12 საათის განმავლობაშ მიმდინარეობდა. კანდიდატებს შორის იყო საკონსტიტუციო სასამართლოს ყოფილი მოსამართლე, კონსტანტინე ვარძელაშვილიც.

გასაუბრებიდან გამოსული კანდიდატის თქმით, კრიტიკული კითხვების ნაწილი უკავშირდებოდა რუსთავი 2-ის საკითხს:

„იყო თუ არა განპირობებული გარკვეული პოლიტიკური სიმპატიებით საკონსტიტუციო სასამართლოს ესა თუ ის გადაწყვეტილება. ეს კითხვები ჰქონდა კომისიის რამდენიმე წევრს. თქვენ გაინტერესებდათ ჰქონდა თუ არა ასეთი კითხვა კომისიის თავმჯდომარეს, დიახ გიდასტურებთ, რომ მასაც ჰქონდა ასეთი კითხვა, მათ შორის იყო რუსთავი 2-ის საქმე,“-განაცხადა კონსტანტინე ვარძელაშვილმა.

კონსტანტინე ვარძელაშვილს ამ საკითხზე მოგვიანებით თეა წულუკიანი გამოეხმაურა, რომელმაც მისი მხრიდან რუსთავი 2-ის საკითხით დაინტერესება უარყო.