ნატო-ს საპარლამენტო ასამბლეის პრეზიდენტმა რუსეთის მიერ საქართველოში მიმდინარე მცოცავი ანექსია დაგმო.

პაოლო ალის განცხადებით, რუსეთის მცოცავი ანექსია აბსოლუტურად მიუღებელია.

„ასამბლეა მუდმივად გმობს რუსეთის მიუღებელ ოკუპაციას „სამხრეთ ოსეთსა“ და აფხაზეთში. რუსეთი ცდილობს, საქართველოს მეტი და მეტი მიწები მიიტაცოს და გააძლიეროს თავისი ზეგავლენა აქ. რამდენიმე დღის წინ, სასაზღვრო ზოლი და რუსეთის მცოცავი ანექსია ვნახეთ. ეს აბსოლუტურად მიუღებელია. ამაზე დეკლარაცია გვექნება და მოგვიანებით ვიმსჯელებთ. ეს იქნება ძალიან მტკიცე განცხადება ჩვენი მხარდაჭერისა. ეს იქნება ჩვენი გამოხატულება, რომ საქართველო ნამდვილად ნატოს წევრი უნდა გახდეს. იმედი მაქვს, რომ ეს მიღებული იქნება უმრავლესობის მიერ და კიდევ ერთხელ დაამტკიცებს, რომ საქართველოსთან დაკავშირებით აბსოლუტურად კონსოლიდირებული აზრი გვაქვს“, - განაცხადა ალიმ.