28 მაისს, საქართველოს საგარეო საქმეთა მინისტრი მიხეილ ჯანელიძე ნატო-საპარლამენტო ასამბლეის პოლიტიკური კომიტეტის სხდომაზე სიტყვით გამოვიდა, სადაც ნატო-ში საქართველოს გაწევრიანების პერსპექტივებს შეეხო.

"ეს არის საქართველოს სუვერენული არჩევანი, იყოს იმ თავისუფალი მსოფლიოს ნაწილი, რომელთანაც საერთო ფასეულობები აქვს. ჩვენ არ გვჭირდება MAP-ი, ჩვენ გვჭირდება წევრობა", - დასძინა ჯანელიძემ.

მინისტრი აგრეთვე რუსეთის მიერ საქართველოს ტერიტორიების ოკუპაციასა და ოკუპირებულ ტეროტირიებზე ადამიანის უფლებების მუდმივი დარღვევის ფაქტებზე ისაუბრა. საგარეო საქმეთა მინისტრმა აღნიშნა, რომ ჟენევის დისკუსიებმა საკითხების გადაწყვეტის კუთხით შედეგი არ მოიტანა.

ჯანელიძის განცხადებით, რუსეთზე საერთაშორისო ზეწოლა უნდა გაძლიერდეს. "არ უნდა იყოს აღქმა იმისა, რომ ჩვენი ჩრდილოატლანტიკური ინტეგრაცია ან თავდადცვის სფეროში თანამშრომლობა ორიენტირებულია ვინმეს ჩართვისკენ რუსეთთან სამხედრო კონფლიქტში. ჩვენ ღიად განვაცხადეთ, რომ მშვიდობიანად ვაპირებთ ამ კონფლიქტის გადაჭრას", - განაცხადა საგარეო საქმეთა მიინისტრმა.