რას უკავშირდება სააპელაციო სასამართლოს თავმჯდომარის გადადგომა

რას უკავშირდება სააპელაციო სასამართლოს თავმჯდომარის გადადგომა - საეჭვო გარემოებები და დამთხვევები

პოლიტიკა - 10:50, 26 May, 2017

1167

იუსტიციის უმაღლესი საბჭო სააპელაციო სასამართლოს თავმჯდომარის თანამდებობიდან გადადგომის საკითხის განხილვას უახლოეს მომავალში აპირებს. იუსტიციის უმაღლესი საბჭოს წევრების თქმით ვალერი ცერცვაძის გადადგომის მიზეზის შესახებ მხოლოდ ის იციან, რაზეც ცერცვაძემ განცადებაში ისაუბრა. თუმცა მათგან განსხვავებული მოსაზრება აქვს არასამთავრობო სექტორს და ადვოკათა ადვოკატთა ასოციაციის თავმჯდომარეს.

ზაზა ხატიშვილი სააპელაციო სასამართლოს თავჯდომარის გადადგომას ეხმიანება და აცხადებს, რომ ვალერი ცერცვაძის გადადგომა მიხეილ ჩინჩალაძეს უკავშირდება, მისი თქმით სწორედ ჩინჩალაძეა ხელისუფლების სასურველი კანდიდატი სააპელაციო სასამართლოს ხელმძღვანელის პოსტზე.

„ჩინჩალაძე, რომელიც უზენაესი სასამართლოდან გადაიყვანეს სააპელაციო სასამართლოში, ეს შეიძლება იყოს ბინძური გარიგების შედეგი და ჩინჩალაძის, ყველაზე საშინელი ადამიანის დანიშვნა უნდათ სააპელაციო სასამართლოს თავმჯდომარედ. სავარაუდოდ სწორედ მისთვის ხდება ადგილის გათავისუფლება სააპელაციო სასამართლოში.“ - აცხადებს ზაზა ხატიაშვილი.

ცერცვაძის გადადგომაში საეჭვო გარემოებებსა და დამთხვევებზე საუბრობენ კონსტიტუციის 42-ე მუხლის იურისტებიც.

„ფაქტია, რომ ეს პრეტენზიები მის მიმართ დიდი ხნის განმავლობაში არსებობდა. გააკეთა განცხადება გადადგომის თაობაზე იმ დროს, როდესაც იუსტიციის უმაღლესმა საბჭომ ახალი მოსამართლეები დანიშნა. დღის წესრიგში დადგა სააპელაციო სასამართლოს თავმჯდომარის დანიშვნაც. ეს ყველაფერი ერთად აღებული მიუთითებს იმაზე, რომ ორკესტრირებულად ხდება ეს გადაწყვეტილება, რომელიც მიზნად ისახავს უფრო სასურველი კანდიდატურის წარდგენას და დანიშვნას,“ - განაცხადა არჩილ ჩოფიკაშვილმა.

შეგახსენებთ, რომ სააპელაციო სასამართლოს თავმჯდომარემ გადაგომის ოფიციალურ ვერსიად კომპანიებს აიფონ პლიუსსა და ცერცვაძის ოჯახთან დაკავშირებულ აიტექნიკსს შორის მიმდინარე სასამართლო დავა დაასახელა. თუმცა ვრცელდება ინფორმაცია, რომ ცერცვაძემ გადაწყვეტილება რამდენიმე კვირის წინ უვადოდ დანიშნული მოსამართლის, მიხეილ ჩინჩალაძის სასარგებლოდ მიიღო. არ არის გამორიცხული, ცერცვაძის შემცვლელად სწორედ ჩინჩალაძის კანდიდატურა განიხილონ.