საატესტატო გამოცდებზე 11 000–მდე მოსწავლე ჩაიჭრა

საატესტატო გამოცდებზე 11 000–მდე მოსწავლე ჩაიჭრა – ალექსანდრე ჯეჯელავა

პოლიტიკა - 15:29, 25 May, 2017

17945

2016–2017 სასწავლო წლის მე–12 კლასის საატესტატო გამოცდებზე 11 000–მდე მოსწავლე ჩაიჭრა. ამის შესახებ განცხადება საქართველოს განათლებისა და მეცნიერების მინისტრმა ალექსანდრე ჯეჯელავამ გააკეთა.

“დაახლოებით 11 000–მდე მოსწავლემ საატესტატო გამოცდებზე წელს ზღვარი ვერ გადალახა. მოსწავლეთა რაოდენობა 40–50 ათასამდე შუალედში იყო. ეს შედეგი არის დაახლოებით იგივე, რაც შარშან იყო. ბავშვებს ტექნიკური საგნები წელსაც უჭირთ.“- განაცხადა ალექსანდრე ჯეჯელავამ.

მინისტრის თქმით აუცილებელია პროფესიული განათლების განვითარება, რადგამ არსებული სისტემა მხოლოდ უმუშევართა ფენის წარმოქმას უწყობს ხელს:

„ნებისმიერ ქვეყანას რომ შევდარდეთ ჩვენი პროპორცია უმაღლესსა და პროპორციულ განათლებას შორის განაწილების არის არაჯანსაღი. გავქვს სისტემა რომელიც აგენერირებს უმუშევრებს.” – განაცხადა მინისტრმა და დასძინა, რომ ზუსტ ციფრებსაც გაასაჯაროებენ.

როგორც გამოცდების ეროვნულ ცენტრში აცხადებენ, შეიძლება ითქვას, რომ შედეგი შარშანდელის ანალოგიურია. მათი თქმით გასათვალისწინებელია, ის ფაქტიც, რომ მათში მოიაზრებიან ის მოსწავლეებიც, ვინც გასულ წელს იყო ჩაჭრილი, წელსაც გავიდა გამოცდებზე და წელსაც ვერ გადალახა ზღვარი.