სახალხო დამცველი უჩა ნანუაშვილი აცხადებს, რომ გენერალურ აუდიტორზე მომხდარი ტავდასხმის ფაქტი დროულად და გამჭვირვალედ უნდა იქნეს გამოძიებული. სახალხო დამცველის განცხადებით, გუშინ გავრცელებული ვიდეო დამატებით კითხვებს აჩენს:

„კითხვის ნიშნები ჩნდება, რატომ გავრცელდა ეს ვიდეო ახლა. ის განცხადებები, რომლებიც გაკეთდა, რა თქმა უნდა, უფრო მეტ კითხვის ნიშანს აჩენს. მე იმედი მაქვს, რომ გამოძიება, იმ ინციდენტთან დაკავშირებით, რომელსაც ადგილი ჰქონდა El Centro-ში, ძალიან მალე დასრულდება და ყველა კითხვას გაეცემა პასუხი," - განაცხადა უჩა ნანუაშილმა.

ომბუდსმენის თქმით, მან საგამოძიებო ორგანოებიდან შეკითხვებზე პასუხი ვერ მიიღო:

"სამწუხაროდ, მე აქამდე იმ კითხვებზე პასუხი ვერ მოვისმინე საგამოძიებო ორგანოების მხრიდან, პირიქით, ყოველდღიურად ახალი ინციდენტების შესახებ ვიგებთ და იმ ინფორმაციას, რომლის მიზანიც შესაძლებელია იყოს სწორედ ერთ-ერთი მაღალჩინოსნის მიმართ გარკვეულწილად, შავი პიარის აგორება,“ - განაცხადა უჩა ნანუაშვილმა.