"თორდია რომ ხულიგანია, სულაც არ ნიშნავს რომ ფარცხალაძე არაა იგივე"- ნანუკა ჟორჟოლიანი

სოც.მედია - 16:38, 24 May, 2017

3206

ტელეწამყვანი ნანუკა ჟორჟოლიანი 2016 წელს მომხდარი ინციდენტის ვიდეოს სოციალურ ქსელში გავრცელების ფაქტს თორდია-ფარცხალაძის სკანდალის გადაფარვის მცდელობად აფასებს. მისი თქმით ხელისუფლების ლოგიკა არის ის რომ ერთი წლის წინ მომხდარი ხულიგნობა , მომავალში უფრო მეტი ხულიგნობის გადაფარვის მიზნით არ გაამჟღავნა:

"ხელისუფლებამ მითხრა ერთი წლის წინ, თორდია იარაღით დარბოდა კაფეშიო. ეს ამბავი არ გავახმაურე, იმიტომ რომ ეგ ის ბიჭია, ხათია ბუნიათიშვილისთვის ნაყიდი თაიგული და იუშენკოს ჩაის ფული რომ დაუთვალა პრეზიდენტს სააკაშვილსო. ხო, მართლა, იუშენკო იხვეწებოდა დამაბრუნებინეთ ჩაის ფული, თქვენს ყბაში ჩემი მტერ ჩავარდაო. მაგრამ ეს სხვა თემაა.

დავუბრუნდეთ 1 წლის წინ მომხდარ ამბავს.

ხოდა, ერთი წლის წინ მომხდარი ხულიგნობა დავფარე, მაგრამ ფირი შევინახე და გამომადგა კიდეცო. ხელისუფლებამ თქვა. კიდევ უფრო მეტი ხულიგნობა რომ გადამეფარაო.

არადა ვერ გადაიფარება. თორდია რომ ხულიგანია, სულაც არ ნიშნავს რომ ფარცხალაძე არაა იგივე.მაგრამე ესეც სხვა თემაა.

პრეზიდენტს რომ ვეღარ ვირჩევთ და ყველა სოფლელი გახდა ეს არის საინტერესო. "ვენაცვალე" ბიძინა ივანიშვილს. იძახა პატარა სოფელია ეს ქვეყანაო და აგერ თუ არ არის."- წერს ნანუკა ჟორჟოლიანი.

შეგახსენებთ, სოციალურ ქსელში ლაშა თორდიას სავარაუდო მონაწილეობით ვიდეო ერთ-ერთმა მომხმარებელმა გაავრცელა. კადრები შიდა სამეთვალყურეო კამერით არის გადაღებული. როგორც ვიდეოს ავტორი წერს, ლაშა თორდია ბარის თანამშრომელს იარაღით ემუქრება. ვიდეოს გამავრცელებელი წერს, რომ დაპირისპირების მიზეზი მუსიკის ხმა გახდა. ვიდეო სავარაუდოდ 2016 წლის 24 დეკემბერსაა გადაღებული. აღნიშნული ინფორმაცია ოფიციალური განცხადებით დაადასტურა შსს-მაც. ოპოზიცია სამართალდამცავების ქმედებას ლაშა თორდიას მიმართ შავი პიარის აგორებად აფასებს. მათი თქმით ძველი კადრების გავრცელებით ყოფილი მთავარი პროკურორის ოთარ ფარცხალაძის ქმედების გადაფარვა ხდება. როგორც ცნობილია თორდიასა და ფარცხალაძეს შორის ფიზიკური დაპირისპირება რამდენიმე დღის წინ ერთ-ერთ კაფეში მოხდა, თორდია ფარცხალაძეს ცემაში ადანაშაულებს და აღნიშნულ ფაქტს მის საქმიანობას უკავშირებს, თორდიას განცხადებით აუდიტის სამსახური სწორედ ფარცხალაძესა და მერიას შორის არსებულ შესაძლო კორუფციულ გარიგებებს სწავლობდა.