ფარცხალაძე-თორდიას საქმე - საქართველოს პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, აღნიშნულ ვითარებაში იკვეთება, რომ სიმართლე ცალმხრივი არ არის:

"ეს ოთხი თვის წინ მოხდა, თუ ერთი თვის წინ, საკმაოდ მძიმე კადრებია. ამავე დროს, საჭიროა, გამოძიებამ ობიექტური ინფორმაცია მოგვცეს. პარლამენტი მზადაა, რომ გარკვეული მონიტორინგი და დაკვირვება განხორციელდეს. ვფიქრობთ, მასალები გამოვითხოვოთ, რომელიც საკუთრებასთან დაკავშირებულ საკითხებს ეხება. თუკი ვინმეს რაიმე კითხვა აქვს, დასვას და პასუხებიც მივიღოთ, ობიექტურად ვნახოთ, რა ხდება და არა ისე, ცალმხრივად გავრცელებული სიმართლით, არამედ რეალურად რა მოხდა. მომხრე ვართ, რომ ობიექტური რეალობის შემდეგ, ძალიან პრინციპული პოზიცია გვქონდეს", - განაცხადა ბესელიამ.