ოკუპირებული აფხაზეთის დე ფაქტო პარლამენტარის ბეჟან უბირიას თქმით, მას მოქალაქეობასთან დაკავშირებით საქართველოს იუსტიციის მინისტრთან კომუნიკაცია ჰქონდა, ვიდეო რომელშიც ასახულია უბირიას გამოსვლა ერთ-ერთი საჯარო შეხვედრაზე სოციალურ ქსელში დღეს გავრცელდა:

"ყველა აქ მყოფი, დაწყებული პრეზიდენტიდან, დასრულებული, აგერ მაგალითად ოპერატორით, ყველანი საქართველოს მოქალაქეები არიან. საქართველოს მოქალაქეობაზე უარის თქმის მოთხოვნით ოფიციალურად, ინტერნეტით მივმართე საქართველოს იუსტიციის მინისტრს. ისინი აფხაზეთს დღემდე თავიან ტერიტორიად თვლიან, აქედან გამომდინარე მივიღე პასუხი, რომ საქართველოს ტერიტორიულ საზღვრებში არ არსებობს მოქალაქეობის გაუქმების რაიმე სახის მექანიზმი. ჩვენ ოფიციალურად საქართველოსგან უარი ამ მოთხოვნაზე ვერ გვექნება, რადგან არ არსებობს ამის პრაქტიკა და წესები. ჩვენ ყველანი საქართველოს მოქალაქეები გამოვდივართ, თუ ამ საკითხს ისე შევხედავთ, როგორც ქართველები ფიქრობენ. მაგრამ ეს ადამიანები არიან აფხაზეთის მცხოვრებლები, რომლებიც დააბრუნა პირველმა პრეზიდენტმა, რომლებიც აქ იმყოფებიან 1994 წლიდან. მე ვფიქრობ, რომ მათ უნდა მივცეთ საშუალება, იგრძნონ თავი ამ ქვეყნის მოქალაქეებად. ან ვუთხრათ დაბრუნდით, მაგრამ სად?“- განაცხადა უბირიამ, მისი თქმით გალელებს, საიდანაც თვითონ არის წარმოშობით, აფხაზეთი მათ სამშობლოდ მიაჩნიათ.