,,ხელისუფლებამ შედეგი საკუთარ თავს დააბრალოს“ - ვენეციის კომისიასთან შეხვედრის დეტალები

პოლიტიკა - 14:28, 24 May, 2017

2889

ვენეციის კომისია საკუთარ მოსაზრებას საკონსტიტუციო ცვლილელებზე 15 ივნისისთვის დაწერს - ამის შესახებ ნაციონალური მოძრაობის წევრი სალომე სამადაშვილი წერს. დეპუტატი ამბობს, რომ ევრიპელი ექსპერტები პოზიციის გარდა, რომელიც მისი თქმით, საკმაოდ კრიტიკული იქნება, მნიშვნელოვანია ქართული საზოგადოების მკაფიო პოზიცია.

,,ველოდები, რომ პარლამენტის არჩევის წესთან მიმართებაში მათი პოზიცია მკაფიოდ დაფიქსირდება და იქნება საკმაოდ კრიტიკული. რაც შეეხება პრეზიდენტის არჩევის წესს- სამართლებრივად, პრეზიდენტის არაპირდაპირი წესით არჩევა თავისთავად არ არღვევს რაიმე სტანდარტს. ამიტომ აქ კომისიას გაუჭირდება მკვეთრი პიზიციის დაფიქსირება. შესაბამისად, მნიშვნელოვნია, საქართველოს მოქალაქეებმა საკუთარი პოზიცია ამ საკითხთან მიმართებაში, უახლოეს მომავალში, ხმამაღლა და მკაფიოდ დააფიქსირონ.

საკუთარ დასკვნით სიტყვაში პარლამენტის თავმჯდომარემ, რომელიც ჩვენ 'უმწიფარ' ოპოზიციად მოგვიხსენიებს, განაცხადა, რომ ოპოზიციასთან რაიმე კომპრომისის მიღწევა არსებული დოკუმენტის მისაღებად, აუცილებლად არ მიაჩნია. საბედნიეროდ ევროპელმა ექსპერტებმაც დაინახეს, ისევე, როგორც საჯარო განხილვები, ეს შეხვედრაც მორიგი სპექტაკლი იყო. ხელისუფლება 'ძალა აღმართს ხნავს' პრინციპით მოქმედებს. შედეგი საკუთარ თავს დააბრალოს“ - წერს სალომე სამადაშვილი.

ვენეციის კომისიის მდივანმა, თომას მარკერტმა პრეზიდენტის არჩევის წესსა და მანდატების განაწილების სისტემასთან დაკავშირებით აღნიშნა, რომ მნიშვნელოვანია, აღნიშნულ საკითხებზე კონსესუსი იქნას მიღწეული.