საქართველოს ენერგეტიკის მინისტრი კახა კალაძე აცხადებს, რომ ხანდოს ხეობაში, სამ ადგილზე მუშაობა შეჩერებულია. ვიცე-პრემიერის თქმით, გერმანული კომპანიის წარმომადგენლებმა ხეობაში კვლევები ჩაატარეს:

„სამუშაოები მიმდინარეობს, თუმცა შეჩერებულია მხოლოდ სამ ადგილზე. ამ ეტაპზე ველოდებით გერმანულ კომპანიას, ჩამოვიდნენ კვლევები ჩაატარეს. ჩატარებულ კვლევებს ვაჩვენებთ ადგილობრივ მოსახლეობას და დავარწმუნებთ იმაში, რომ ამ ყველაფერში საფრთხის შემცველი არაფერი არ არის“, - განაცხადა კალაძემ.

შეგახსენებთ, რომ ხანდოს ხეობაში მაღალი ძაბვის გადამცემი ხაზის სამშენებლო სამუშაოები მიმდინარეობს, აღნიშნული კი ადგილობრივი მოსახლეობის პროტესტს იწვევს.