„ეს არის ნონსენსი“ - მიქაძე საემიროების წინააღმდეგ ღირსების შელახვის გამო სასამართლო დავას იწყებს

პოლიტიკა - 12:25, 24 May, 2017

1531

დეპუტატი გელა მიქაძე საემიროს წინააღმდეგ, ღირსების შელახვის გამო დავას და მორალური ზიანის ანაზღაურების მოთხოვნას გეგმავს. მიქაძე მის წინააღმდეგ გამოტანილ განაჩენს პოლიტიკურ დევნად აფასებს.

საუბარია საქმეზე, რომლის მიხედვითაც 17 მილიონი დოლარის გაფლანგვისთვის, საქართველოს პარლამენტის წევრს საემიროების სასამართლომ 15-წლიანი პატიმრობა მიუსაჯა. მიქაძის განცხადებით, იგი ამ ეტაპზე მუშაობს თავის ადვოკატებთან ერთად სამოქმედო გეგმაზე.

„სისხლის სამართლის საქმესთან დაკავშირებით გავიგე გუშინ ტელევიზიით, ნებისმიერი სახის სამართლებრივ ბრძოლას გავაგრძელებ და აუცილებლად შევიტან სარჩელს მორალური ზიანის ასანაზღაურებლად. მზად ვარ მსოფლიოს ნებისმიერი ქვეყნის სასამართლოში, სადაც არსებობს სამართლაი, ეს ინგლისი იქნება, შვეიცარია, საფრანგეთი, ნებისმიერ სასამართლოში, სადაც ჩატარდა, ყველა პროცესი მე მოგებული მაქვს, მზად ვარ გავაგრძელო.

სასამართლო ხელისუფლება არის ერთი ოჯახის ქვეშ და იქ გამოიტანენ გადაწყვეტილებას მაღალი პოლიტიკური თანამდებობის პირები, ეს რა თქმა უნდა პოლიტიკური გადაწყვეტილება არის“, - აცხადებს გელა მიქაძე.

მიქაძე დავის მიზეზზე საუბრობს:

„ორმა სუბიექტმა დააფუძნა კომპანია 2010 ან 2011 წლებში, შემდეგ მოხდა მეორე მხარის მიერ ამ კომპანიის ყიდვა, რას ეძახიან ტაღლითურ ქმედებს მე არ ვიცი. სამეწარმეო დავები ასეთ შემთხვევაში, მისი ხანდაზმულობის ვადა 5 წელია, ჩვენ ვსაუბრობს 2010 თუ 2011 წლის ბიზნესგარიგებაზე. თუ რაღაც გარიგება მოხდა 7 წლის წინ და მეორე მხარე თავს დაზარალებულად თვლის, ეს გაახსენდათ 7 წლის შემდეგ? ეს არის ნონსენსი“, - დასძენს მიქაძე.