მედვედევს და ქუმსიშვილს საერთო ერთმანეთთან არაფერი აქვთ - დოლიძე R2-ს თემის "იაფფასიან აჟიტირებაში" ადანაშაულებს

პოლიტიკა - 10:23, 24 May, 2017

1143

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, ვიქტორ დოლიძემ სტამბოლში, BSEC-ის სამიტზე გადაღებული ფოტოზე რომელზეც საქართველოს ვიცე პრემიერი დიმიტრი ქუმსიშვილი და რუსეთის პრემიერი გვერდიგვერდ იდგნენ კომენტარტარი გააკეთა.

მინისტრი რუსთავი 2-ს "თემის იაფფასიან აჟიტირებაში" ადანაშაულებს.

ვიქტორ დოლიძე აცხადებს, რომ ფოტო ოფიციალურ შეხვედრაზეა გადაღებული, ის პროტოკოლურია და მედვედევს და ქუმსიშვილს საერთო ერთმანეთთან არაფერი აქვთ.

„მე ვურჩევდი რუსთავი 2-ს და მის ხელმძღვანელობას და სხვა დანარჩენ ტელევიზიებს თუკი ძალიან დაინტერესებულები არიან ამ თემით, იაფფასიან აჟიტირებას ნუ შექმნიან ამით, იმიტომ რომ არის საერთაშორისო ორგანიზაციები, არის საერთაშორისო ფორმატები, სადაც იღებენ ფოტოებს და ვინ ვის გვერდში დადგება, ამას ადგენს ადგილობრივი პროტოკოლი.

ამიტომ არავითარი საერთო დიმიტრი ქუმსიშვილსა და დიმიტრი მედვედევს შორის ბუნებრივია არც შეიძლება იყოს და კიდევ ერთხელ ვიმეორებ, ამგვარი არასახელმწიფოებრივი, იაფფასიანი ტირაჟირება ამ თემის არ არის კარგი,“-განაცხადა ვიქტორ დოლიძემ.