"საკონსტიტუციო ცვლილებების ირგვლივ თანხმობის დოკუმენტი უნდა შეიქმნას"- პრეზიდენტი

პოლიტიკა - 15:09, 23 May, 2017

1126

საკონსტიტუციო ცვლილებებთან დაკავშირებით პრეზიდენტის პრესსპიკერმა კომენტარი დღეს გამართულ ბრიფინგზე გააკეთა. მისი თქმით, პრეზიდენტი მიიჩნევს, რომ მიუხედავად საკონსტიტუციო ცვლილებების ირგვლივ არსებული განსხვავებული მოსაზრებებისა, უნდა შეიქმნას თანხმობის დოკუმენტი:

„რაც შეეხება საკონსტიტუციო საკითხებს. მოგეხსენებათ ბერლინში, ვენეციის კომისიის წარმომადგენლებთან ერთად გრძელდება საქართველოს კონსტიტუციაში ცვლილებების განხილვა.

კომისიის წარმომადგენლები ამახვილებენ ყურადღებას საზოგადოებასა და პოლიტიკურ პარტიებს შორის კონსესუსის მნიშვნელობაზე, იმისთვის, რომ ახალი კონსტიტუცია იყოს სიცოცხლისუნარიანი და გრძელვადიანი.

საკონსტიტუციო ცვილელებებთან მიმართებაში, პრეზიდენტი პირველივე დღიდან სწორედ კონსენსუსური დოკუმენტის მიღების აუცილებლობაზე საუბრობდა. ამის შესახებ განცხადება მას არაერთხელ აქვს გაკეთებული.

პრეზიდენტი მიიჩნევს, რომ მიუხედავად საკონსტიტუციო ცვლილებების ირგვლივ არსებული განსხვავებული მოსაზრებებისა, უნდა შეიქმნას თანხმობის დოკუმენტი. პრეზიდენტის აზრით, ერთხელ და სამუდამოდ უნდა გავთავისუფლდეთ სამწუხარო ტრადიციისგან, როდესაც კონსტიტუციაში ცვლილებები, წარმოადგენს მხოლოდ ერთი პარტიის ნააზრევს. ყველამ ერთად უნდა შევძლოთ გამოვნახოთ გზა და შევქმნათ საერთო ეროვნული თანხმობის კონსტიტუცია, რომელიც ყველასია.

კიდევ ერთხელ შეგახსენებთ, რომ სწორედ ეს არის ვენეციის კომისიის მოწოდებაც.“- განაცხადა ეკა მიშველაძემ.