აუდიტის დასკვნაში არსებული დარღვევევი და გამქრალი დოკუმენტაცია - ჯაბა სამუშია წინა ხელისუფლების პასუხისმგებლობაზე სუაბრობს

პოლიტიკა - 17:49, 22 May, 2017

1343

აუდიტის სამსახური თბილისის მერიის საკუთრებაში არსებული ქონების მართვისა და განკარგვის შესაბამისობის შემოწმების შედეგებს ასაჯაროებს. საქმე ეხება თბილისის მერიასა და ყოფილი მთავარი პროკურორის კუთვნილ კომპანია შპს ბი ეს არ - სი დი ჯი დეველოპმენტს შორის გაფორმებულ ხელშეკრულებს მიწის მონაცვლეობასთან დაკავშირებით. აუდიტის სამსახურის ხელმძღვანელის მოადგილის ნინო ლომჯარიას განმარტებით, მომზადებული შუალედური დასკვნა ეფუძნება თბილისის მერიის მიერ აუდიტის სამსახურისთვის გადაცემულ დოკუმენტაციას და მისი გასაჯაროება მას შემდეგ გადაწყდა, რაც სწორედ ამ შესწავლის გამო მოხდა აუდიტის სამსახურის ხელმძღვანელზე თავდასხმა.

აუდიტის სამსახურის დასკვნას გამოეხმაურა თბილისის საკრებულოს წევრი ჯაბა სამუშია. საკითხზე მან „ქრონიკის“ პირდაპირ ეთერში ისაუბრა:

„ოთხი ძირითადი მომენტი გამოიკვეთა ბრიფინგზე, პირველი იყო დოკუმენტების გაქრობა, რომელზედაც საუბრობდნენ, რომ გარკვეული დოკუმენტაცია გაქრა თბილისის მერიიდან, მეორე საკითხი ეს იყო თუ რატომ არ მოხდა გაცვლა იმ დროს, როდესაც რეალურად აღნიშნული შპს დაზარალდა, მესამე, ეს იყო თანმიმდევრობა, ანუ მთლიანად პოცესი და მეოთხე, ეს არის ფასები, პირველი ორი იმ პერიოდს ეხება, როდესაც ნაციონალური მოძრაობა არის თბილისში, ეს არის 2012-2014 წლები, 2014 წელს მოვიდა ადგილობრივი არჩევნების შემდეგ ქართული ოცნება, თბილისის საკრებულოში და აიჩიეს მერად დავით ნარმანია. მანამდე, პროცესი თუ რატომ გაქრა ეს დოკუმენტაცია, რატომ არ მოხდა აღნიშნული მიწის ნაკვეთის გაცვლა, პასუხი უნდა გასცენ წინა ხელისუფლების წარმომადგენლებმა.

აღნიშნულმა შპს-მ იმ დროს მიმართა თბილისის მერიას, სადაც ადასტურებს, რომ ჰქონდათ მიმოწერა მერიის წინა თანამშრომლებთან. თუმცა, დოკუმენტაცია არ არსებობს, გაქრა ეს დოკუმენტაცია და უნდა კითხოთ მათ, ვინც მაშინ მუშაობდა თბილისის მერიაში.

გადაწყვეტილება გაცვლასთან დაკავშრებით გულისმობს, რომ თბილისის მერიამ და საკრებულომ ეკონომიკის სამინისტროს გადასცა ორი მიწის ნაკვეთი, გადაწყვეტილება მივიღეთ აპრილში, პროცესი 2015 წლის იანვრიდან დავიწყეთ. ჩვენ, თბილისის თვითმმართველობა, არც მერია და არც საკრებულო ფასს არ განვსაზღვრავთ. ამისათვის არსებობს ეროვნული ბიურო. ორჯერ ჩატარდა ექსპერტიზა აღნიშნულ მიწასთან დაკავშირებით, ორივე შემთხვევაში არის დაფიქსირებული თანხა და ამ საექსპერტო დასკვნას ვეყრდნობით.

ჩვენ მივიღეთ გადაწყვეტილება ერთ საკითხთან დაკავშრებით, შპს რომელიც დაარსდა 2006 წელს გააჩნდა მიწის ნაკვეთი, ამ ტერიტორიაზე მასთან შეუთანხმებლად გაიყვანეს გზა, მას ჰქონდა მიმოწერა წინა ხელისუფლებასთან და არ აუნაზღაურეს ზარალი, მივიღეთ გადაწყვეტილება და აუნაზღაურდათ ეს ზარალი, აუნაზღაურდათ იმ ადამიანებს, რომლებმაც დაარსეს ეს კომპანია, არანაირი ცვლილება მენეჯმენტში, მმართველობაში, წილებში არ ყოფილა 2016 წლამდე, გადაწყვეტილება მივიღეთ 2015 წლის აპრილში“, - განაცხადა ჯაბა სამუშიამ.