საქართველოს სოფლის მეურნეობის მინისტრმა ლევან დავითაშვილმა ყვარელში განაცხადა, რომ სახელმწიფო სტიქიის შედეგად დაზარალებულ გლეხებს არ და ვერ დაეხმარება.

დავითაშვილი ფერმერებს მოუწოდებს აგროდაზღვევით ისარგებლონ და სტიქიით მიყენებული შესაძლო რისკებისგან მოსავალი დააზღვიონ. მისი თქმით, სტიქიამ საქართველოს მასშტაბით 38 000 ჰექტარი ფართობის მიზის ნაკვეთები დააზარალა, რაც მილიონობით ლარს შეადგენს და ბიუჯეტს მის ანაზღაურებლად საჭირო თანხები არ აქვს.

„არ უნდა იყოს ცრუ მოლოდინი, არ იქნება არანაირი კომპესაცია. მაშინ როცა აგროდაზღვევის ინსტრუმენტი მოქმედებს, ასეთი ერთჯერადი ჩარევები არასამართლიანია“, - განაცხადა მინისტრმა.