იაპონიის ქალაქ მაცუდოში უცნობი კაცი, რომელიც დანით და ბეისბოლის ჯოხით იყო შეიარაღებული, ქუჩაში გამვლელებს დაესხა თავს. დაშავებულია 6 ადამიანი, მათ შორის ორი - მძიმედ. ჰოსპიტალიზაცია დასჭირდა თავდამსხმელსაც.

პოლიციისათვის მომხდარის მიზეზი უცნობია.

ასეთი სახის დანაშაული იაპონიაში საკმაოდ ხშირია. ყველაზე ხმაურიანი შემთხვევა 2008 წელს ტოკიოში მოხდა. მაშინ დამნაშავე სატვირთო მანქანით ხალხით სავსე ქუჩაში შეიჭრა, გზა გადაკეტა და გამვლელებს დანით მრავლობითი ჭრილობები მიაყენა. შედეგად 7 ადამიანი დაიღუპა და 10 დაიჭრა. დამნაშავემ დაკავების შემდეგ განაცხადა, რომ სპეციალურად ჩავიდა ტოკიოში ვინმეს მოსაკლავად, რადგან ცხოვრების მიმართ ინტერესი დაკარგა. ის სიკვდილით დასაჯეს.