„ქალთა მკვლელობებზე არ გველაპარაკა თუ იმაზე, რა დღეში ვარდებიან ბავშვები, რომლებსაც მამები დედებს უკლავენ“- გრიგოლიას მიმართვა

სოც.მედია - 12:13, 20 May, 2017

3310

ინგა გრიგოლიას საავტორო გადაცემა „რეაქციაში“ დაანონსებულმა თემამ, რომელიც საგანგებოდ დაწესებული ,,ოჯახური სიმტკიცის,, დღე“-ს და ოჯახურ ძალადობას და მკვლელობებს შეეხებოდა, დიდი ვნებათაღელვა მოჰყვა. გარკვეული არასამთავრობოები ისე რომ გადაცემა ჯერ კიდევ არ იყო ეთერში გასული ჟურნალისტს დაუპირისპირდნენ.

გადაცემის გასვლის შემდეგ კი ჟურნალისტი სოციალურ ქსელში წერილს აქვეყნებს და არასამთავრობოებს მიმართავს.

„ეხლა რა მაინტერესებს და...გუშინ რომ წივილ-კივილი და ისტერიკა იყო ატეხილი ზოგიერთი არასამთავრობოსგან , ფეისბუქზე, „რეაქციის,, წინააღმდეგ და მთელი დღე (გადაცემის ეთერში გასვლამდე-ესაა ყველაზე მაგარი ამბავი, ეთერში გასვლამდე ) რომ მიპროტესტებდნენ, როგორ ვბედავდი და ვაშუქებდი თემას 17 მაისის ოჯახის სიმტკიცის დღეზე,მაშინ როცა ქვეყანაში ლამის ყოველ მეორე დღეს ოჯახური მკვლელობები და ძალადობა ხდება....გადაცემის ეთერში გასვლის შემდეგ რა ხდება?)))))) ისევ აპროტესტებენ რამეს? მე არც თემა შემიცვლია გუშინ და არც ერთი სტუმარი არ შემიცვლია, ვინც მოწვეული იყო მანამდე,სწორედ იმ ხალხის მონაწილეობით გავაკეთეთ ეს გადაცემა, მაგრამ ისინი რას აპროტესტებდნენ, განცხადებები რომ გააშვანშვალეს გუშინდელ გადაცემაზე ,ნეტა თუ მიხვდა ვინმე? რას ითხოვდნენ,რომ ქალთა მკვლელობებზე არ გველაპარაკა თუ იმაზე,რა დღეში ვარდებიან უპატრონოდ დარჩენილი ბავშვები,რომლებსაც მამები დედებს უკლავენ და ამ დროს ჩვენ ზარ-ზეიმით ვლაპარაკობთ ოჯახურ სიწმინდეებსა და სიმტკიცეზე!!!!!!!!! მეტი თქვენ თავისუფლებას რა ვუთხარი მე!!!თქვენ რომ უნდა გკითხოთ თურმე,რა თემა უნდა გავაშუქოთ და რა -არა ან ვინ მოვიწვიოთ.ჩოხიანი სტუმარიც გვყავდა,სასულიეროც ,მაგრამ ვისი უფლება შევლახეთ ნეტა?“- წერს ჟურნალისტი.