სროლა თბილისში, ინფექციურ საავადმყოფოსთან - ინციდენტში მონაწილე პირი სავარაუდოდ, დადგენილია

შემთხვევა - 10:44, 20 May, 2017

4376

საზოგადოებრივი მაუწტებელის ინფორმაციით, პირის ვინაობა, რომელმაც ინფექციური საავადმყოფოს ფანჯრებს იარაღიდან ესროლა, სავარაუდოდ, დადგენილია.

როგორც კლინიკაში მყოფმა ერთ-ერთმა პაციენტმა საზოგადოებრივს განუცხადა, ადგილზე სამართალდამცველები დილამდე მუშაობდნენ და სპეციალური მოწყობილობის მეშვეობით, იმის დადგენა შეძლეს, საიდან მოხდა გასროლა. მისივე ცნობით, გასროლა განხორციელდა საავადმყოფოსთან მდებარე კორპუსიდან და სავარაუდო დამნაშავე ნასვამ მდგომარეობაში იმყოფებოდა.

„ჯერ გავიგე 4 გასროლის ხმა, ცოტა ხანში, პალატაში ფანჯრის შუშა გასკდა და უკვე მეორეჯერ რომ გასკდა შუშა, პალატაში მყოფები იატაკზე დავწექით. მე დავრეკე 112-ში და ხოხვით გავედი კორიდორში“ - განუცხადა ფაქტის თვითმხილველმა საზოგადოებრივს.

თბილისში, ინფექციური საავადმყოფოს მიმართულებით განხორციელებული სროლის ფაქტზე შინაგან საქმეთა სამინისტრომ გამოძიება დაიწყო.

როგორც ,,ნიუპოსტს“ უწყებაში უთხრეს, მომხდართან დაკავშიფრებით გამოძიება სისხლის სამართლის კოდექსის 187-ე მუხლის პირველი ნაწილით მიმდინარეობს, რაც ნივთის დაზიანებას ან განადგურებას გულისხმობს.

უწყების ცნობით, მომხდარის დეტალეს საგამოძიებო მოქმედებების და ექსპეტიზა დააზუსტებს.