"მართვის მოწმობის ჩამორთმევა უფრო ეფექტური იქნებოდა, ვიდრე ფულად ჯარიმის გაზრდა"

"მართვის მოწმობის ჩამორთმევა უფრო ეფექტური იქნებოდა, ვიდრე ფულად ჯარიმის გაზრდა" - ხუციშვილი

პოლიტიკა - 22:30, 19 May, 2017

9775

შინაგან საქმეთა მინისტრის მოადგილე შალვა ხუციშვილი 100 ქულიანი სისტემის შემოღების დადებით მხარეებზე ისაუბრა Palitranews-ის გადაცემაში ”ჩემი კითხვა”.
როგორც ხუციშვილი აღნიშნავს, მძღოლების ფსიქოლოგიური განწყობა ერთ-ერთი მთავარ პრობლემად რჩება და სწორედ ამიტომ მძღოლმა უნდა აღიქვას, რომ ყველა დარღვევა არის საფრთხე მისი მართვის მოწმობისათვის.

„100 ქულიანი სიტემის ძირითადი მიზანი არის ის, რომ მძღოლი მინიმუმ ტითოეულ დარღვევაზე მაინც დაფიქრდეს, ჩვენი გათვლებით ეს ასეც იქნება. მაგალითად, თუ დღეს მძღოლმა იცის, რომ წითელზე გავლა არის ფულად ჯარიმაში, შეიძლება ფინანსური მდგომარეობიდან გამომდინარე უღირდეს - მძღოლი უბრალოდ დაარღვევს და უფრო ნაკლებად დაფიქრდება, უქმნის თუ არა სხვას საფრთხეს. 1-ელი ივლისიდან შემოვიღებთ დამატებით ფსიქოლოგიურ კომპონენტს. ზუსტად ერთ-ერთი ყველაზე დიდი პრობლემა არის მძღოლების ფსიქოლოგიური განწყობა და დამოკიდებულება საგზაო უსაფრთხოების წესების მიმართ. მძღოლი დაინახავს, რომ ფულადი ჯარიმის გარდა, ნებისმიერი დარღვევა არის საფრთხე მისი მართვის მოწმობებისთვის. მართვის მოწმობის ჩამორთმევას ყველა მოქალაქე ძალიან მტკივნეულად აღიქვამს და, შესაბამისად, გვგონია, რომ ათჯერ უფრო ეფექტური იქნება, ვიდრე ფულადი ჯარიმების გაზრდა იქნებოდა და უმთავრესი რაც არის გვინდოდა მდიდარ და ღარიბ მძღოლებს თანაბარ მდგომარეობაში ჩააყენებდა” - აღნიშნა ხუციშვილმა.