„ყველანაირ სამართლებრივ პოლიტიკურ ბერკეტს ვიყენებთ შემოთავაზებული რედაქციის შესაცვლელად“

„ყველანაირ სამართლებრივ პოლიტიკურ ბერკეტს ვიყენებთ შემოთავაზებული რედაქციის შესაცვლელად“ - ირაკლი ღლონტი

პოლიტიკა - 16:09, 19 May, 2017

1286

მოძრაობა ,,დაიცავი კონსტიტუციაში“ შემავალმა პოლიტიკურმა პარტიებმა და საზოგადოებრივმა ორგანიზაციებმა ვენეციის კომისიას სპეციალური წერილით მიმართეს. პარტია „რეფორმატორების'' თავმჯდომარე ირაკლი ღლონტი ამასთან დაკავშირებით აღნიშნავს, რომ ერთადერთი გზა ოლიგარქის პოლიტიკისგან დასაცავად არის ეს მაგრამ, საბოლოო გადაწყვეტილებას ქართველი ხალხი მიიღებს.

„ჩვენ პოლიტიკური გაერთიანების წარმომადგენლები დაიცავი კონსტიტუციის ფარგლებში აქტივობებს ვმართავთ. ყველანაირ სამართლებრივ პოლიტიკურ ბერკეტს ვიყენებთ შემოთავაზებული რედაქციის შესაცვლელად მაგრამ საბოლოო სიტყვა მაინც ეკუთვნის ჩვენ ხალხს და გადაწყვეტილებაც უნდა მიიღოს ქართველმა ხალხმა. ჩვენი მცდელობა არ ჩაივლის უსაფუძვლოდ და ქართველი საზოგადოება მიიღებს ისეთ გადაწყვეტილებას, რომელიც უზრუნველყოფს ინსტიტუციურ მდგრადობას და გადაგვარჩენს ოლიგარქის პოლიტიკისგან.

ჩვენ გვაქვს წმინდა სამართლებრივად და პოლიტიკურად გამართული ტექსტი გუშინ შევხვდით დიპლომატიურ კორპუსის წარმომადგენლებს ყოველდღიურ რეჟიმში ვხვდებით სხვადასხვა ორგანიზაციებს საზოგადოებრივ ჯგუფებს ყველა ერთხმად აფიქსირებს თავის ურყევ ნებას, რომ პრეზიდენტი უნდა ავირჩიოთ ჩვენ იმიტომ, რომ შეუძლებელია ერთი ოლიგარქის და მისი მარიონეტების დამარცხება სხვაგვარად“- განაცხადა „ნიუპოსტთან“ საუბრისას ირაკლი ღლონტმა.