"მივმართავთ ვენეციის კომისიას, დაგვიჭიროს მხარი საქართველოს კონსტიტუციის დაცვაში"- მაჭუტაძე

პოლიტიკა - 12:39, 19 May, 2017

1155

პარტიის „სახელმწიფო ხალხისათვის“ ლიდერი ნიკა მაჭუტაძე ერთ-ერთი ხელმომწერია იმ წერილისა, რომელიც მოძრაობა „დაიცავი კონსტიტუციის“ სახელი ვენეციის კომისიას გადაეგზავნა. მაჭუტაძის განცხადებით მოძრაობის მიზანია, რომ კონსიტუციის დასაცავად მოხდეს საქართველოს მოქალაქეების კონსოლიდირება და ამასთანევე ქართველი ხალხის გვერდით იყოს საერთაშორისო დემოკრატიული საზოგადოებაც:

„ჩვენ ვუგზავნით ვენეციის კომისიას ერთობლივ წერილს, მივმართავთ ამ საერთაშორისო ინსტიტუციას იმისთვის, რომ დაგვიჭიროს მხარი საქართველოს კონსტიტუციის პოლიტიკური და იურიდიული დაცვის საქმეში. მთავარი არბიტრი, მთავარი განმსჯელი არის ქართველი ხალხი და ჩვენ გვინდა, რომ საერთაშორისო დემოკრატიული საზოგადოება იყოს თავისი ინსტიტუტებით სწორედ ქართველი ხალხის გვერდით, იმ საქმეში რომელსაც ჰქვია ქართული სახელმწიფოს დემოკრატიული, იდეური საფუძვლების დაცვა. ამიტომაც ჩვენც შევუერთდით ხელმოწერას და ვფიქრობთ ასეთი კონსოლიდირებული მოქმედებები მიგვიყვანს გამარჯვებამდე, კონსტიტუციის და სახელმწიფოს დაცვამდე. ვენეციის კომისიას ვუტოვებთ მოქმედების თავისუფლებას, მაგრმ ჩვენ უნდა ვაცნობოთ მას ქართველი ხალხის ურყევი და მტკიცე პოზიცია, რომელიც ამ ე.წ კონსტიტუციური ცვლილებებთან დაკავშირებით ძალიან უარყოფითია.“- განაცხადა ნიკა მაჭუტაძემ.