"არსებობს კონსესუსი საკონსტიტუციო პროექტის წინააღმდეგ, საერთაშორისო თანამეგობრობა მას მხარს არ დაუჭერს"- ქარდავა

პოლიტიკა - 12:33, 19 May, 2017

1294

მოძრაობა ,,დაიცავი კონსტიტუციაში“ შემავალმა პოლიტიკურმა პარტიებმა და საზოგადოებრივმა ორგანიზაციებმა ვენეციის კომისიას სპეციალური წერილით მიმართეს. წერილში საუბარია იმ ხარვეზებზე, რომელიც კონსტიტუციის ახალ პროექტში არსებობს და რომელიც „დაიცავი კონსტიტუციას“ აზრით საფრთხეს უქმნის საქართველოს დემოკრატიული განვითარებას. „ეროვნულ-დემოკრატიული პარტიის“ ლიდერის ბაჩუკი ქარდავას თქმით, კონსტიტუციის ახალი პროექტის მიმართ დადებითი კონსესუსის ნაცვლად, მთელ ქვეყანაში მისი საწინააღმეგო კონსესუსი ჩამოყალიბდა, ამიტომ საერთაშორისო თანამეგობრობა და ვენეციის კომისია ამას აუცილებლად გაითვალისწინებს:

„ველოდებით პასუხს კომისიისგან, პირველ რიგში კი ველოდებით ქართველი ხალხისგან, ვიცით რომ ქართველი ხალხის განწყობა არის უარყოფითი, ეს არის ჩვენთვის მნიშვნელოვანი. ჩვენ ვიცნობთ ვენეციის კომისიის მუშაობის პრინციპს და ერთი დეტალი ხაზგასმით მინდა აღვნიშნო, ამ კონსტიტუციის პროექტის შინაარსის გარდა არსებობს უსერიოზულესი პრობლემა კონსესუსი პროექტის წინააღმდეგ, მაშინ როდესაც უნდა არსებობდეს კონსესუსი მის მხარდასაჭერად. დღეს ჩვენ ვართ იმ რეალობაში როდესაც ქართული საზოგადოება, პოლიტიკური სპექტრი და სამოქალაქო სექტორი არის გაერთიანებული პროექტის წინააღმდეგ, ანუ არ არსებობს კონსესუსი პროექტის წინააღმდეგ. ეს აუცილებლად აისახება ვენეციის კომისიის დასკვნაში. მთლად იდეალურიც რომ იყოს კონსტიტუციის პროექტი, დამერწმუნეთ, თუ პროქტის გარშემო კონსენსუსი არაა, საერთაშორისო თანამეგობრობა მას არცერთ შემთხვევაში მხარს არ დაუჭერს.“- განაცხადა ბაჩუკი ქარდავამ.