საქართველოს პრემიერ-მინისტრმა მთავრობის სხდომაზე, რომელიც ამ წუთებშიც მიმდინარეობს, ჩინეთთან თავისუფალი სავაჭრო შეთანხმების ხელმოწერის შესახებ ისაუბრა. გიორგი კვირიკაშვილის განცხადებით, აღნიშნული ხელმოწერა იქნება საფუძველი ახალი ინვესტიციების მოსაზიდად, ექსპორტზე ორიენტირებული წარმოების გასავითარებლად:

"ჩინეთთან ხელი მოვაწერეთ თავისუფალი ვაჭრობის შესახებ ხელშეკრულებას, რომელიც არის მნიშვნელოვანი დოკუმენტი. ეს დოკუმენტი ქმნის ძალიან საინტერესო შესაძლებლობებს ქმნის საქართველოში ინვესტიციების მოსაზიდად. ჩვენ გვაქვს თავისუფალი სავაჭრო შეთანხმებები ჩვენს მეზობელ ქვეყნებთან, გვაქვს სტრატეგიულად მნიშვნელოვანი თავისუფალი სავაჭრო შეთანხმება ევროკავშირთან, რომელიც საქართველოს ძალიან საინტერესო ქვეყნად ხდის ინვესტიციებისათვის ჩინეთიდან. მივიჩნევთ, რომ ჩინეთთან თავისუფალი სავაჭრო შეთანხმების ხელმოწერა იქნება უმნიშვნელოვანესი ახალი სამუშაო ადგილების შესაქმნელად, ახალი ინვესტიციების მოსაზიდად, ექსპორტზე ორიენტირებული წარმოებების განსავითარებლად, რაც საქართველოსთვის ძირითადი სტრატეგიული მიმართულებაა. ამიტომ, კიდევ ერთხელ მინდა ვთქვა, რომ ეს არის მნიშვნელოვანი ახალი კარი, რომელიც გაიღო საქართველოს საექსპორტო პოტენციალის და ექსოპორტზე ორიენტირებული წარმოების განვითარების მიმართულებით. საქართველო თანდათან იბრუნებს იმ გეოსტრატეგიულ ფუნქციას, რომელიც სტორიულად ჰქონდა. ჩვენ ვართ ქვეყანა, რომელიც უნდა იყოს ღია ასეთი ტიპის ეკონომიკური თანამშრომლობისთვის. ვფიქრობთ, ეს არის მნიშვნელოვანი წინგადადაგმული ნაბიჯი. მინდა, ყველას გადავუხადო მადლობა, ვინც ჩართული იყო ხელშეკრულების მომზადებაში", - განაცხადა გიორგი კვირიკაშვილმა.