პრეზიდენტი გენერალურ აუდიტორსა და ყოფილ მთავარ პროკურორს შორის მომხდარ ინციდენტს შემაშფოთებელს უწოდებს. ამის შესახებ დღეს გამართულ პრესკონფერენციაზე კომენტარი გიორგი მარგველაშვილის პრესსპიკერმა ეკა მიშველაძემ გააკეთა:

"კიდევ უფრო მეტ შეშფოთებას იწვევს და კითხვებს აჩენს გენერალური აუდიტორის განცხადება, რომ მას პროფესიული საქმიანობის გამო გაუსწორდნენ. პრეზიდენტის აზრით, საქმის დროული და ეფექტური გამოძიების გარეშე საფრთხე შეექმნება, როგორც სახელმწიფო ინსტიტუტებს, ასევე საქართველოს მოქალაქეებს, რადგან მათ ვერ ექნებათ დაცულობის განცდა, მაშინ, როდესაც მაღალი თანამდებობის პირზე ხორციელდება ფიზიკური თავდასხმა და ანგარიშსწორება",- განაცხადა ეკა მიშველაძემ.