მცხეთის მუნიციპალიტეტის სოფელ ძეგვში 30 წლამდე მამაკაცს ეძებენ. ,,ნიუპოსტის“ კორესპონდენტის ცნობით, სამძებრო სამუშაოები მდინარე მტკვარზე მიმდინარეობს. დაკარგულის ოჯახის წევრებისა და ახლობლების ინფორმაციით, ილია რთველიაშვილი ოთხი დღის წინ, შვილთან ერთად სათევზაოდ წავიდა. მოგვიანებით ბავშვი სახლში აიყვანა და ისევ უკან გაბრუნდა, რის შემდეგაც აღარ უნახავთ.

სათევზაო ინვენტარი მდინარიდან რამდენიმე მეტრში იპოვეს, თუმცა, ილია რთველიაშვილის კვალს ამ დრომდე ვერ მიაკვლიეს. ოჯახის წევრები სამძებრო სამუშაოების გაგრძელებას ითხოვენ.