ფილარმონიაში კონსტიტუციის პროექტის სახალხო განხივლის ჩაშლის კომენტირებისას, პრეზიდენტის ადმინისტრაციის უფროსმა, გიორგი აბაშიშვილმა განაცხადა, რომ დესტრუქციული ქმედებები მისაღები არ არის:

„დღევანდელთან დაკაშირებით დეტალური ინფორმაცია არ მაქვს, თუმცა როგორც კამპანიის „კონსტიტუცია ყველასია" ფარგლებში, ისე საერთო-სახალხო განხილვის დროს, საქართველოს რეგიონებში, თბილისში ყოველთვის იყო ძალიან აქტიური აუდიტორია, ძალიან კრიტიკული კითხვებით. ბუნებრივია, ყველა მოსაზრება ვერ იქნება ყველასთან თანხვედრაში, თუმცა ყველა კითხვაზე უნდა არსებობდეს გარკვეული ტიპის პასუხი. ცხადია, დესტრუქციული ქმედებები არც ერთ შემთხვევაში არ არის მისაღები“,- აღნიშნა გიორგი აბაშიშვილმა საზოგადოებრივთან საუბრისას.

შეგახსენებთ, რომ დღეს თბილისის დიდ საკონცერტო დარბაზში კონსტიტუციის საერთო-სახალხო განხილვა არ შედგა.