ფრაქცია „ქართული ოცნების“ თავმჯდომარის, მამუკა მდინარაძე აცხადებს, რომ კონსტიტუციის საყოველთაო-სახალხო განხილვის ჩაშლა დაგეგმილი პროვოლაცია იყო.

"ეს პროვოკაცია იყო დაგეგმილი და ორგანიზებული იმ ადამიანების მიერ, ვისაც საქართველოში პროგრესი არ აწყობს"- აცხადებს დეპუტატი.

„დარწმუნებული ვარ, მიუხედავად იმისა, რომ კბილებით გვიწევს იმ კარგი ცვლილებების გატანა, რაც აუცილებელი იყო, რაც იყო საჭირო, რადგან დაგვხვდა ერთ კაცზე მორგებული კონსტიტუცია. ჩვენ ამას შევძლებთ, ჩვენ ამას გავაგრძელებთ და მივიღებთ პროგრესულ, წინმავალ, ევროპული ტიპის დემოკრატიას“,- განაცხადა მდინარაძემ.

მმართველი პოლიტიკური პარტიის ერთ-ერთი ლიდერის შეფასებით, აქციის მონაწილეთა შორის შესაძლოა გულწრფელი ადამიანებიც იყვნენ, მაგრამ მისი თქმით, ვინც მათ განხილვის ჩაშლა შტააგონა "სახელმწიფოს მტერია"“, - განაცხადა მდინარაძემ.

თბილისში საკონსტიტუციო ცვლილებების პროექტის განხილვა ჩაიშალა. დარბაზში დამსწრეთა ნაწილი სკანდირებდა, რომ კონსტიტუცია ხალხს ეკუთვნის პარლამენტის თავმჯდომარეს ტყიბულში დაღუპულ მაღაროელებიც გაახსენეს. აქციის მონაწილეები მიწის უცხოელებზე გასხვისების საკითხს აპროტესტებდნენ.