პარლამენტის თავმჯდომარემ ირაკლი კობახიძემ თბილისში კონსტიტუციის პროექტის განხილვა ჩაშლილად გამოაცხადა.

გახილვა ფილარმონიის დიდ საკონცერტო დარბაზში უნდა გამართულიყო, თუმცა დარბაზში შეკრებილთა ნაწილი კობახიძეს განხილვის დაწყების საშუალებას არ აძლევდა. რის შემდეგ კობახიძემ მათ სიტყვით გამოსვლის უფლება მისცა, თუმცა დარბაზში სიტუაციის მართვა შეუძლებელი გახდა.

დარბაზში სიტყვით გამოვიდა "აუდიტორია 115-ის" წევრიც გიორგი სოფრომაძე, რომელმაც მშორმელთა უფლებების დაცვაზე და ტყიბულში მომხდარ ტრაგედიაზე გაამახვილა ყურადღება.

"რამდენიმე დღის წინ 4 მეშახტე დაიღუპა ქალაქ ტყიბულში, მთელი ქალაქი გლოვობს და სახელმწიფო მხოლოდ და მხოლოდ ფასადურ სოლიდარობას აცხადებს. კერძო მესაკუთრემ მოკლა ადამიანები, მაგრამ სახელმწიფო ისევ დუმს, სახელმწიფო, რომელიც ბიზნესის მარიონეტად არის ქცეული.

ეს არის ეკონომიკური პოლიტიკა, რომელსაც ჩვენ მრავალი წელია ვხედავთ. ეს არ არის ახალი, ეს არის ძველის გაგრძელება. ჩვენ ვხედავთ სცენაზე ადამიანებს, რომლებიც გველაპარაკებიან ფასადური სოლიდარობის ენით, მაგრამ ერთი წლის წინ, მე მახსოვს, ახლა უკვე მინისტრთა კაბინეტის და სამთავრობო ძალების ახლოს მყოფი ფიგურა, რომელიც მეშახტეებს ჰპირდებოდა სხვადასხვა დახმარებას. მაგრამ ზუსტად შრომის პირობების მოთხოვნების შეუსრულებლობის გამო დღეს ჩვენ ვხედავთ 4 ადამიანს სამარეში. აი, ეს არის ტყიბულის რეალობა. წინა წლებში და წელს, მშრომელები იღუპებიან დასაქმების ადგილას, ამ დროს ჩვენ ჩვენ ვხედავთ გარემოვაჭრეებს მრომლებსაც უმძიმესი სციალური მდგომარეობა, ვხედავთ სპეცრაზმი როგორ უპირისპირდება მთაში ადამინებს...

დღეს ჩვენ რას ვაწყდებით?! ვაწყდებით მხოლოდ და მხოლოდ ბიზნესელიტებზე და პოლიტიკურელიტებზე მორგებულ კონსტიტუციას და ეს კონსტიტუცია არ არის სახალხო" - განაცხადა სოფრომაძემ.

ირაკლი კობახიძემ საკონცერტო დარბაზში განვითარებულ მოვლენები პროვოკაციად შეაფასა მან ჯგუფს, რომელიც მას საკონსტიტუციო პროექტის საყოველთაო-სახალხო განხილვის დაწყების საშუალებას არ აძლევდა, კომუნისტები უწოდა.