გსმენიათ თუ არა უზენაესი სასამართლოს მიერ გამოტანილი განაჩენის შესახებ, რომელმაც „რუსთავი 2“ ქიბარ ხალვაშს მიაკუთვნა? – NDI-ს კვლევის თანახმად, გამოკითხულთა 79%-ს სმენია, 16%-ს არა, 4%-მა კი არ იცის.

რუსთავი 2-ის საქმეში მთავრობის მხრიდან ჩარევას ჰქონდა ადგილი - 56% ეთანხმება, 17% არ ეთანხმება, 27%-მა კი არ იცის.

ეს გადაწყვეტილება საქართველოში მედიის თავისუფლებას შეზღუდავს - 46% ეთანხმება, 33% არ ეთანხმება, 21%-მა არ იცის

საქმის განხილვის დროს, მოსამართლეებზე ზეწოლა ხდებოდა - 46% ეთანხმება, 20% არ ეთანხმება, 34%-მა არ იცის.

რუსთავი 2-ის საქმე მხოლოდ ბიზნესის საკუთრებასთან დაკავშირებული დავა იყო, რომელიც არ იყო კავშირში პოლიტიკასთან - 35% ეთანხმება, 41% არ ეთანხმება, 23%-მა არ იცის.

რუსთავი 2-ის სასამართლო პროცესი სამართლიანი იყო - 28% ეთანხმება, 44% არ ეთანხმება, 28%-მა არ იცის.

საზოგადოებრივი კვლევა პირისპირ ინტერვიუს პრინციპით, აპრილში ჩატარდა და მასში საქართველოს მასშტაბით 2 ათას 500-მდე ადამიანმა მიიღო მონაწილეობა.