კითხვაზე - რა მიგაჩნიათ რუსეთის წარმატებად 1991 წლის შემდეგ, გამოკითხულთა 70 პროცენტს გაუჭირდა პასუხის გაცემა, ხოლო მათგან 48 პროცენტმა განაცხადა, რომ უკანასკნელი 22 წლის მანძილზე რუსეთს მნიშვნელოვანი არაფერი გაუკეთებია.

გამოკითხულთა 7% ამაყობს, რომ 2014 წელს ოლიმპიადა სოჭში გაიმართება, მეორე ადგილზე (6-6%) გავიდა სპორტული მიღწევები და ეკონომიკის აღმავლობა. 5%-ს მიაჩნია, რომ "რუსეთის ავტორიტეტი იზრდება", ხოლო 3% - არმიის აღორძინებით ამაყობს.

გამოკითხულთა 9% ამაყობს რომ ქვეყნის პრეზიდენტი ვლადიმერ პუტინია, 1%-მა განაცხადა, რომ ქვეყანას ნორმალური პრეზიდენტი ჰყავს. პოპულარულ პიროვნებებში მეორე ადგილზეა თავდაცვის მინისტრი შოიგუ - 6%.

საამაყო პიროვნებების დასახელება გაუჭირდა 33%-ს, ხოლო 24% განაცხადა, რომ რუსეთში საამაყო არავინაა.

გამოკითხვა "რუსეთის დღისადმი" იყო მიძღვნილი. იგი ღია წესით ჩატარდა - პასუხები თავად რესპოდენტებს უნდა გაეცათ.