,,თუ გინდა ხელისუფლებასთან რამე მოაგვარო, მთავარია ფარცხალაძეზე გახვიდე... ვერაზე, სალონის გვერდით“

სოც.მედია - 16:59, 13 May, 2017

17311

სახელმწიფო აუდიტის სამსახურის უფროსის, ლაშა თორდიაზე თავდასხმის ფაქტს სოციალურ ქსელში გამოხმაურებები მოჰყვა. ჟურნალისტი ნანუკა ჟორჟოლიანი ფარცხალაძის გავლენებზე წერს, და ამბობს, რომ ,,ხელსიუფლებასთან საქმის გარკვევა“ სწორედ მისი მეშვეობით ხდება.

,,დღეს თუ გინდა რამე მოაგვარო ამ ხელისუფლებასთან, მთავარია ფარცხალაძეზე გახვიდე. ვერაზე, სალონის გვერდზე აქვს ოფისი, სადაც მისი დაცვა მანქანას არ გაგაჩერებინებს. თუ "უფროსი" მიდის გზებსაც კეტავენ. დადიან ცნობილი ბიზნესმენები, გავლენიანი სახელები, საქმეების მოსაგვარებლად. ხანდახან ვერ პოულობენ ფარცხალაძეს, იმიტომ რომ ... იმიტომ. ორი დაბურული ჯიპით, დაცვით და მაგ გონორით ხელისუფლების არცერთი წევრი არ დადის. არათუ ყოფილი. ფარცხალაძე არის ამ ხელისუფლების სერიოზული თავის ტკივილი, იმიტომ რომ რაზეც მე ახლა ხმამაღლა ვსაუბრობ, მთელი თბილისი ჩურჩულებს.

P.s. იმედია ჩემს გარემოცვას ნარკოტიკს არ ჩაუდებთ ამ პოსტის გამო“ - წერს ჟორჟოლიანი.

ინგა გრიგოლია კი მომხდარს ასე ეხმაურება:

,,ყოფილი გენერალური პროკურორი რომ წიხლის ქვეშ გაიგდებს მოქმედ გენერალურ აუდიტორს, აი ეგ ქვეყანა მიყვარს სიგიჟემდე)))))))))“